Прэзідэнт Украіны назваў гэта гістарычным анекдотам.
Уладзімір Зяленскі заявіў, што Украіна ўжо істотна падарвала забеспячэнне Расіі палівам, з-за чаго краіна-агрэсар, якая традыцыйна экспартавала энерганосьбіты, цяпер вымушана імпартаваць паліва, у тым ліку з дапамогай Беларусі.
Пра гэта кіраўнік украінскай дзяржавы сказаў падчас размовы з журналістамі, адказваючы на пытанне, ці здольная Украіна дыпламатычнымі ці іншымі намаганнямі перашкодзіць пастаўкам гаручага ў Расію з нейтральных краін, такіх як Індыя, Кітай, Казахстан.
«Шчыра кажучы, Ваша пытанне гучыць як гістарычны анекдот. Праўда. Краіна такая, як Расія, эканоміка якой заўсёды была арыентавана на экспарт сваіх энерганосьбітаў, сёння займаецца тым, каб недзе знайсці паліва, нейкім чынам павялічыць магчымасць закупкі, імпарту паліва. То ці перашкодзіць Украіна? Ужо Украіна перашкодзіла. Мы ўжо гэта зрабілі», — сказаў ён.
Зяленскі дадаў, што цяпер Беларусь таксама знаходзіцца сярод краін, якія дапамагаюць Расіі з палівам.
«Я думаю, калі б Ельцын ведаў, што праз 20+ гадоў Расія замест экспарту будзе імпартаваць энерганосьбіты праз тое, што яна сама, дурнаватая, вырашыла пачаць вайну, я думаю, што Ельцын абраў бы іншага пераемніка», — адзначыў ён.
За апошні час Украіна ўзмацніла атакі дронамі па расійскай энергетычнай інфраструктуры. Гэта моцна адбілася на забеспячэнні палівам акупацыйных войскаў, а ў анексаваным Крыме наогул прывяло да спынення продажу паліва насельніцтву.
Герой Беларусі Марына Васілеўская нарадзіла дачку ад касманаўта Алега Навіцкага16
Каментары
факт в том, что поставляет. все остальное значения НЕ ИМЕЕТ. [Рэд. Выдалена]..
и да!!! ударить надо, по одному, для начала... чтобы дошло совхозному стратегу..
[Зрэдагавана]