Сайт для галасавання на праймерыз апазіцыйных кандыдатаў запрацаваў на Дзень Волі, 25 сакавіка. Апошні заяўлены дзень для галасавання на сайце — 30 красавіка. Паводле вынікаў анлайн-галасавання, перамогу атрымаў Мікалай Казлоў — 39,8%.
У выбарах на сёння бяруць ўдзел тры чалавекі: Юрась Губарэвіч (Рух «За Свабоду»), Мікалай Казлоў (АГП) і Вольга Кавалькова (незалежная кандыдатка). Самі праймерыз стартавалі 6 сакавіка з паездкі ў Гарадок і Віцебск. А 16 сакавіка іх пакінулі Павел Севярынец і Аляксей Янукевіч. Пазней і самі паездкі адмянілі праз пагрозу каранавіруса.
Пасля гэтага ўся актыўнасць перайшла ў інтэрнэт.
За Мікалая Казлова прагаласавалі 39,8% (1774 чалавекі), за Юрыя Губарэвіча 36,12% (1610), за Вольгу Кавалькову — 24,07% (1073).
Раней заяўлялася, што ўдзел у анлайн-галасаванні возьмуць да 100 тысяч чалавек, а адзінага кандыдата абяруць на з'ездзе ў канцы мая. Але, відаць, праз небяспеку каранавіруса ў працэс будуць унесеныя карэктывы.
Паводле закону, прэзідэнцкія выбары павінны прайсці не пазней за 30 жніўня 2020 года.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары