Вольга Севярынец: «На судзе Павел маўчыць. Што хацеў, сказаў у сваіх кнігах»
Вольга Севярынец падзялілася ў сваім фэйсбуку ўражаннямі ад суда над мужам. Паўла Севярынца разам з актывістамі «Еўрапейскай Беларусі» і блогерам Дзмітрыем Казловым пачалі судзіць 12 мая ў Магілёве. Працэс закрыты, і ў залу не пускаюць нават родных.
«Суд над Паўлам працягваецца, працэсы ідуць кожны дзень і ідуць ў даволі хуткім тэмпе, а гэта значыць, што праз пару тыдняў мы можам даведацца прысуд, — піша Вольга. —
На працэсе Павел маўчыць. Я ўпэўнена, ён не гаворыць ні-чо-га і не адказвае на пытанні. Ён падкрэсліваў гэты момант некалькі разоў у лістах, ён рабіў так і ў 2010 годзе. Кажа, што ўсё, што хацеў, ён сказаў у сваіх кнігах. Гэта вельмі важна для яго…».
Вольга дадала, што Паўла паставілі на ўлік як экстрэміста.
«Патрэбна гэта толькі для таго, каб ламаць чалавека ў турме. У выніку нам ад Пашы перасталі прыходзіць лісты, увогуле. У яго камеры правялі такі шмон, што з матрасам выставілі за дзверы не толькі яго, як «экстрэміста», але і ўсіх астатніх сукамернікаў, намякаючы, што церпяць яны вось з-за гэтага аднаго».
«Але заўсёды ёсць і добрыя навіны. Вось учора я была ў Магілёве і перадала яму пернікі з любімай цытатай. Спадзяюся, што спадабаюцца», — дадала яна.

-
Нявестка Ліліі Ананіч стала топ-менеджарам у БелТА — вярнулася на радзіму праз чатыры месяцы пасля эміграцыі ў Кітай
-
Па даручэнні Лукашэнкі праводзіцца праверка боегатоўнасці ў манеўраных групах памежнай службы
-
Таксіста і былога ахоўніка «Еўраопта» з Баранавічаў абвінавачваюць па палітычным артыкуле
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары