Volha Sieviaryniec: «Na sudzie Pavieł maŭčyć. Što chacieŭ, skazaŭ u svaich knihach»
Volha Sieviaryniec padzialiłasia ŭ svaim fejsbuku ŭražańniami ad suda nad mužam. Paŭła Sieviarynca razam z aktyvistami «Jeŭrapiejskaj Biełarusi» i błohieram Dźmitryjem Kazłovym pačali sudzić 12 maja ŭ Mahilovie. Praces zakryty, i ŭ zału nie puskajuć navat rodnych.
«Sud nad Paŭłam praciahvajecca, pracesy iduć kožny dzień i iduć ŭ davoli chutkim tempie, a heta značyć, što praz paru tydniaŭ my možam daviedacca prysud, — piša Volha. —
Na pracesie Pavieł maŭčyć. Ja ŭpeŭniena, jon nie havoryć ni-čo-ha i nie adkazvaje na pytańni. Jon padkreślivaŭ hety momant niekalki razoŭ u listach, jon rabiŭ tak i ŭ 2010 hodzie. Kaža, što ŭsio, što chacieŭ, jon skazaŭ u svaich knihach. Heta vielmi važna dla jaho…».
Volha dadała, što Paŭła pastavili na ŭlik jak ekstremista.
«Patrebna heta tolki dla taho, kab łamać čałavieka ŭ turmie. U vyniku nam ad Pašy pierastali prychodzić listy, uvohule. U jaho kamiery praviali taki šmon, što z matrasam vystavili za dźviery nie tolki jaho, jak «ekstremista», ale i ŭsich astatnich sukamiernikaŭ, namiakajučy, što cierpiać jany voś z-za hetaha adnaho».
«Ale zaŭsiody jość i dobryja naviny. Voś učora ja była ŭ Mahilovie i pieradała jamu pierniki ź lubimaj cytataj. Spadziajusia, što spadabajucca», — dadała jana.
-
Milicyja vykłała svaju viersiju, čamu chłopiec, jaki zrabiŭ zaŭvahu turystu za niedakurak u centry Minska, pravioŭ noč u adździaleńni
-
Vyjšła kalektyŭnaja manahrafija pra sučasnuju Biełaruś na anhlijskaj movie
-
«Jak acaleć u niaštatnaj situacyi». 24 vieraśnia ŭ Biełarusi projdzie ahulnanacyjanalny dzień infarmavańnia pra biaśpieku
Kamientary