Сёння Аляксандр Лукашэнка падпісаў указ аб узнагароджанні дзяржаўнымі ўзнагародамі прадстаўнікоў розных сфер дзейнасці. У спісе ўзнагароджаных 116 чалавек.
Мастацкі кіраўнік Купалаўскага тэатра Вольга Няфёдава стала заслужанай артысткай.
Улетку 2020-га тэатр пакінулі многія акцёры. Няфёдава была сярод тых, хто асудзіў людзей, што звольніліся.
На сустрэчы з Лукашэнкам у лютым 2021-га Няфёдава плакала, кажучы пра яго выхад з аўтаматам.
Аляксандр Лукашэнка наведаў у лютым Купалаўскі тэатр, пабываў на рэпетыцыі спектакля «Паўлінка» і пагутарыў з артыстамі. Як распавяла актрыса Вольга Няфёдава, цяпер у калектыве працуюць надзейныя, адданыя сваёй справе людзі.
«Стаяла ўжо такое пытанне — радзімы. Не проста сцягі, яшчэ нешта. А менавіта радзімы, якую сапраўды хапнуць і не заўважаць. Тут глабальны момант. Як яны не зразумелі? Чаму яны так купіліся? Здалі за бесцань, не падумаўшы? Я не ведаю…» — эмацыйна выказалася артыстка.
Пазней яна выступіла на адкрыцці крамы алкаголю «Белмытнясэрвіс», што адкрыўся ў Маладзечне.
Цяпер чытаюць
Трамп запрасіў Лукашэнку ўвайсці ў Раду міру па Газе38
Каментары