Каб ізаляваць Пуціна на сусветнай арэне, ЗША пайшлі на перамовы нават з Венесуэлай
Група высокапастаўленых чыноўнікаў ЗША вылецела 5 сакавіка ў Каракас на перамовы з урадам прэзідэнта Венесуэлы Нікаласа Мадуры.
Як паведамляе The New York Times са спасылкай на крыніцы, тым самым адміністрацыя Джо Байдэна прыкладае намаганні па ізаляцыі Крамля ад міжнародных саюзнікаў, якія засталіся.
Цяперашні візіт амерыканскіх палітыкаў у Каракас — самы высокі і прадстаўнічы за гады, адзначае газета. У 2019 годзе ЗША разарвалі дыпламатычныя адносіны з Венесуэлай і зачынілі сваё пасольства ў Каракасе, абвінаваціўшы ўлады краіны ў фальсіфікацыі вынікаў прэзідэнцкіх выбараў, на якіх чарговы раз перамог Мадура.
Адміністрацыя ЗША нават спрабавала скінуць урад Мадуры, наклаўшы санкцыі на экспарт венесуэльскай нафты і найвышэйшых службовых асоб краіны, а таксама прызнала лідара апазіцыі Хуана Гуайдо законным прэзідэнтам Венесуэлы, звяртае ўвагу «Медуза».
Над шэрым кардыналам Нацбанка згусціліся хмары? Затрымалі яго сябра, былога выканаўчага дырэктара Банка развіцця6
Каментары