Kab izalavać Pucina na suśvietnaj arenie, ZŠA pajšli na pieramovy navat ź Vieniesuełaj
Hrupa vysokapastaŭlenych čynoŭnikaŭ ZŠA vylecieła 5 sakavika ŭ Karakas na pieramovy z uradam prezidenta Vieniesueły Nikałasa Madury.
Jak paviedamlaje The New York Times sa spasyłkaj na krynicy, tym samym administracyja Džo Bajdena prykładaje namahańni pa izalacyi Kramla ad mižnarodnych sajuźnikaŭ, jakija zastalisia.
Ciapierašni vizit amierykanskich palitykaŭ u Karakas — samy vysoki i pradstaŭničy za hady, adznačaje hazieta. U 2019 hodzie ZŠA razarvali dypłamatyčnyja adnosiny ź Vieniesuełaj i začynili svajo pasolstva ŭ Karakasie, abvinavaciŭšy ŭłady krainy ŭ falsifikacyi vynikaŭ prezidenckich vybaraŭ, na jakich čarhovy raz pieramoh Madura.
Administracyja ZŠA navat sprabavała skinuć urad Madury, nakłaŭšy sankcyi na ekspart vieniesuelskaj nafty i najvyšejšych słužbovych asob krainy, a taksama pryznała lidara apazicyi Chuana Huajdo zakonnym prezidentam Vieniesueły, źviartaje ŭvahu «Mieduza».
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary