Нацыяналістка Лё Пэн у выпадку перамогі на выбарах у Францыі хоча выйсці з аб'яднанага камандавання НАТА
Пра гэта палітык, якая выйшла па выніках прэзідэнцкіх выбараў, што адбыліся ў гэтую нядзелю, у другі тур разам з дзейсным кіраўніком дзяржавы Эманюэлем Макронам, заявіла на прэс-канферэнцыі ў сераду.
«Я проста хачу аднавіць тую палітыку, якая была ў нас з 1966 па 2009 год, якая ніякім чынам не прадугледжвала падпарадкавання Маскве», — сказала Лё Пен.
«Таму я прапаную выйсці не з НАТА, а з аб'яднанага камандавання, як гэта было з 1966 па 2009 год», — сказала палітык.
Разам з тым Лё Пэн запэўніла, што не плануе адмаўляцца ад прымянення артыкула 5 Паўночнаатлантычнай дамовы аб калектыўнай бяспецы. Гэты артыкул прадугледжвае, што ў выпадку нападу на аднаго члена НАТА ўсе саюзнікі далучаюцца да яго абароны.
Лё Пэн апелюе ў сваёй аргументацыі да дзеянняў, якія ў 1966 годзе зрабіў знакаміты генерал Шарль дэ Голь. Менавіта пры ім Францыя сапраўды больш чым на 40 гадоў абмежавала свой удзел у НАТА. Так дэ Голь хацеў засведчыць незалежнасць Францыі ад ЗША ў вайсковых пытаннях.
Акрамя таго, Лё Пэн выказала жаданне стратэгічнага збліжэння паміж НАТА і Расіяй пасля заканчэння вайны ў Украіне.
«Як толькі расійска-ўкраінская вайна скончыцца і будзе ўрэгуляваная мірнай дамовай, я выкажуся за рэалізацыю стратэгічнага збліжэння паміж НАТА і Расіяй», — заявіла Лё Пэн.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары