Nacyjanalistka Lo Pen u vypadku pieramohi na vybarach u Francyi choča vyjści z abjadnanaha kamandavańnia NATA
Pra heta palityk, jakaja vyjšła pa vynikach prezidenckich vybaraŭ, što adbylisia ŭ hetuju niadzielu, u druhi tur razam ź dziejsnym kiraŭnikom dziaržavy Emaniuelem Makronam, zajaviła na pres-kanfierencyi ŭ sieradu.
«Ja prosta chaču adnavić tuju palityku, jakaja była ŭ nas z 1966 pa 2009 hod, jakaja nijakim čynam nie praduhledžvała padparadkavańnia Maskvie», — skazała Lo Pien.
«Tamu ja prapanuju vyjści nie z NATA, a z abjadnanaha kamandavańnia, jak heta było z 1966 pa 2009 hod», — skazała palityk.
Razam z tym Lo Pen zapeŭniła, što nie płanuje admaŭlacca ad prymianieńnia artykuła 5 Paŭnočnaatłantyčnaj damovy ab kalektyŭnaj biaśpiecy. Hety artykuł praduhledžvaje, što ŭ vypadku napadu na adnaho člena NATA ŭsie sajuźniki dałučajucca da jaho abarony.
Lo Pen apieluje ŭ svajoj arhumientacyi da dziejańniaŭ, jakija ŭ 1966 hodzie zrabiŭ znakamity hienierał Šarl de Hol. Mienavita pry im Francyja sapraŭdy bolš čym na 40 hadoŭ abmiežavała svoj udzieł u NATA. Tak de Hol chacieŭ zaśviedčyć niezaležnaść Francyi ad ZŠA ŭ vajskovych pytańniach.
Akramia taho, Lo Pen vykazała žadańnie stratehičnaha zbližeńnia pamiž NATA i Rasijaj paśla zakančeńnia vajny ŭ Ukrainie.
«Jak tolki rasijska-ŭkrainskaja vajna skončycca i budzie ŭrehulavanaja mirnaj damovaj, ja vykažusia za realizacyju stratehičnaha zbližeńnia pamiž NATA i Rasijaj», — zajaviła Lo Pen.
-
Francyja, Hiermanija i Vialikabrytanija papiaredzili Iran pra mahčymaść vajennaha ŭmiašańnia
-
U Techasie mužčyna rasstralaŭ natoŭp kala bara. ŚMI źviazvajuć heta z amierykanskimi ŭdarami pa Iranie
-
ZŠA paćvierdzili vykarystańnie stełs-bambardziroŭščykaŭ B-2 dla ŭdaraŭ pa Iranie. Jany vykanali biespasadačny pieralot praz pałovu śvietu z bazy ŭ Misury
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy20
Kamientary