«Каб з'ехаць ад вайны або дыктатуры было прасцей». Мікіта Мікада інвеставаў у новы праект
Вядомы беларускі IT-бізнэсмен, сузаснавальнік PandaDoc Мікіта Мікада стаў інвестарам новага праекта. Як піша Мікада, праект павінен спрыяць таму, каб беларусам было прасцей з’ехаць ад дыктатуры і вайны. Расказваем, на каго ў першую чаргу разлічаная ініцыятыва.
«Іміграцыйных досведаў у мяне шмат і кожны раз узнікалі складанасці: з візамі, дакументамі, банкаўскімі рахункамі, арэндай жытла, страхоўкамі, і г.д», — піша на сваей старонцы ў Facebook Мікіта, анансуючы праект «Mesto на Карте».
Калі казаць дакладней, то Mesto.in — гэта рэлакацыя «пад ключ» для рускамоўных IT-спецыялістаў і стартапаў.
Сам бізнэсовец называе Mesto.in сеткай месцаў для жыцця і працы, а мэтай праект ставіць дапамогу ў іміграцыі ў вырашэнні бытавых пытанняў. Пакуль сетка працуе толькі ў двух краінах — гэта Кіпр і Балі. Але зыходзячы з інфармацыі на сайце праекта, у планах есць пашырэнне прынамсі яшчэ на восемь краін, сярод якіх — Турцыя, Нідэрланды, Латвія, Чарнагорыя і іншыя.
На сайце ініцыятывы пазначана, што яна займаецца жыллевымі пытаннямі, гатовая забяспечыць каворкінагам. Апроч гэтага, яна дапамагае сабраць і аформіць усе неабходныя дакументы для адкрыцця візы, сплаты падаткаў, афармлення юрыдычнай асобы.
Таксама абяцаюць ладзіць нэтворк-сустрэчы, сумесныя івэнты і падарожжы, каб дапамагчы ўдзельнікам кам'юніці хутка адаптавацца ў новай краіне.
Чытайце таксама:
Ваўкавыскі паблік размясціў фоты дызайну кабінета дырэктара мясакамбіната з вялізным партрэтам Лукашэнкі. Адмінам пагражаюць судом
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?8
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары