«Kab źjechać ad vajny abo dyktatury było praściej». Mikita Mikada inviestavaŭ u novy prajekt
Viadomy biełaruski IT-biznesmien, suzasnavalnik PandaDoc Mikita Mikada staŭ inviestaram novaha prajekta. Jak piša Mikada, prajekt pavinien spryjać tamu, kab biełarusam było praściej źjechać ad dyktatury i vajny. Raskazvajem, na kaho ŭ pieršuju čarhu raźličanaja inicyjatyva.
«Imihracyjnych dośviedaŭ u mianie šmat i kožny raz uźnikali składanaści: ź vizami, dakumientami, bankaŭskimi rachunkami, arendaj žytła, strachoŭkami, i h.d», — piša na svajej staroncy ŭ Facebook Mikita, anansujučy prajekt «Mesto na Kartie».
Kali kazać dakładniej, to Mesto.in — heta rełakacyja «pad kluč» dla ruskamoŭnych IT-śpiecyjalistaŭ i startapaŭ.
Sam biznesoviec nazyvaje Mesto.in sietkaj miescaŭ dla žyćcia i pracy, a metaj prajekt stavić dapamohu ŭ imihracyi ŭ vyrašeńni bytavych pytańniaŭ. Pakul sietka pracuje tolki ŭ dvuch krainach — heta Kipr i Bali. Ale zychodziačy ź infarmacyi na sajcie prajekta, u płanach jeść pašyreńnie prynamsi jašče na vosieḿ krain, siarod jakich — Turcyja, Niderłandy, Łatvija, Čarnahoryja i inšyja.
Na sajcie inicyjatyvy paznačana, što jana zajmajecca žyllevymi pytańniami, hatovaja zabiaśpiečyć kavorkinaham. Aproč hetaha, jana dapamahaje sabrać i aformić usie nieabchodnyja dakumienty dla adkryćcia vizy, spłaty padatkaŭ, afarmleńnia jurydyčnaj asoby.
Taksama abiacajuć ładzić netvork-sustrečy, sumiesnyja iventy i padarožžy, kab dapamahčy ŭdzielnikam kamjunici chutka adaptavacca ŭ novaj krainie.
Čytajcie taksama:
Vaŭkavyski pablik raźmiaściŭ foty dyzajnu kabinieta dyrektara miasakambinata ź vializnym partretam Łukašenki. Adminam pahražajuć sudom
Ciapier čytajuć
18‑hadovaha chłopca abvinavacili ŭ admaŭleńni hienacydu biełaruskaha naroda7
Kamientary