Bloomberg: Турцыя выставіла шэраг патрабаванняў за дазвол Фінляндыі і Швецыі на далучэнне да НАТА
Кіраўніцтва Турцыі выставіла НАТА шэраг умоў, пры якіх яно гатовае пагадзіцца на ўступленне ў альянс Швецыі і Фінляндыі. Поўны спіс патрабаванняў публікуе Bloomberg са спасылкай на трох турэцкіх чыноўнікаў.
Сярод гэтых патрабаванняў — зняцце санкцый з Упраўлення абароннай прамысловасці Турцыі (SSB) за куплю расійскіх зенітна-ракетных сістэм С-400. Яны былі ўведзеныя год таму.
Таксама Анкара патрабуе адмены эмбарга на пастаўкі зброі і вяртання ў праграму знішчальнікаў F-35, а таксама зацвярджэння новага пакета закупак знішчальнікаў F-16.
Акрамя таго, улады Турцыі хочуць, каб Швецыя і Фінляндыя прызналі Рабочую партыю Курдыстана тэрарыстычнай арганізацыяй і адмовіліся ад надання прытулку яе актывістам.
Для ўступлення ў НАТА Швецыі і Фінляндыі, якія днямі падалі афіцыйныя заяўкі, усе 30 удзельнікаў альянсу павінны іх падтрымаць. І перашкоды збіраецца чыніць толькі Турцыя.
Зрэшты, у Дзярждэпартаменце ЗША ўпэўненыя, што ўнутры NATO захаваецца кансенсус з нагоды прыняцця Швецыі і Фінляндыі. Пры гэтым у ведамстве заявілі, што Турцыя не вылучала ніякіх дадатковых умоў.
Чытайце таксама:
Эрдаган пагражае заблакаваць уступленне Фінляндыі і Швецыі ў НАТА
Прыём Фінляндыі і Швецыі ў НАТА: Эрдаган хоча на гэтым згуляць
Цяпер чытаюць
«А зможаце вылецець заўтра?» Джон Коўл расказаў, як піў з Лукашэнкам гарэлку, каб дамовіцца пра вызваленне палітвязняў5
Каментары