Прэзідэнт ЗША Джозэф Байдэн пацвердзіў гатоўнасць абараняць Тайвань ваенным шляхам. Пра гэта ён заявіў, адказваючы на пытанні падчас сумеснай прэс-канферэнцыі з прэмʼер-міністрам Японіі Фуміё Кісідай, піша Reform.by.
«Вельмі хутка: вы не хочаце ўцягвацца ваенным шляхам ва ўкраінскі канфлікт па відавочных прычынах, ці вы гатовыя ваенным шляхам абараняць Тайвань?» — спыталі ў Байдэна.
«Так. Гэта абавязацельства, якое мы ўзялі на сябе», — адказаў прэзідэнт ЗША.
Байдэн адзначыў, што ЗША пагадзіліся з палітыкай «адзінага Кітая», на якой настойвае Пекін, але катэгарычна супраць вырашэння пытання ваенным шляхам з боку КНР.
«Але ідэя таго, што ён можа быць узяты сілай, проста ўзяты сілай, недарэчная для ўсяго рэгіёна. Гэта стане чарговым дзеяннем, падобным да таго, што адбылося ва Украіне. Гэта цяжар, які будзе нават цяжэйшы», — дадаў Байдэн.
Падчас прэс-канферэнцыі Фуміё Кісіда таксама заявіў, што ЗША і Японія не змірацца са спробамі дзе б там ні было змяніць існуючы сусветны парадак сілавым шляхам. Ён дэклараваў намер дзвюх краін вырашаць праблемы, якія ўзніклі з-за нападу Расіі на Украіну. Таксама ЗША, Японія і Паўднёвая Карэя будуць цесна супрацоўнічаць па паўночнакарэйскай ядзернай праблеме.
«Японія і ЗША катэгарычна абвяргаюць пагрозы ўжывання ядзернай зброі. Мы зробім гэта важнай тэмай саміту G7 у наступным годзе», — сказаў Кісіда. Да гэтага ён анансаваў правядзенне саміту ў Хірасіме.
Кісіда таксама заявіў пра гатоўнасць нарасціць абараназдольнасць Японіі.
«Мы маем намер карэнным чынам узмацніць абароназдольнасць нашай краіны. Адпаведныя планы былі падтрыманыя прэзідэнтам ЗША. Мы занятыя нарошчваннем сваёй абароннай моцы, улічваючы пры гэтым сітуацыю вакол Тайваня», — адзначыў ён.
Брат беларускай каралевы прыгажосці трапіў у рэанімацыю ў Азербайджане4
Каментары