Літва заявіла пратэст Беларусі з нагоды прыбірання ў школах вёсак Рымдзюны Астравецкага і Пеляса Воранаўскага раёна літоўскай мовы з 1 верасня. Падчас пасяджэння Пастаяннай рады АБСЕ часовы прадстаўнік Літоўскай Рэспублікі пры міжнародных арганізацыях у Вене Ніда Якубоне заявіла, што афіцыйны Мінск парушае міжнародныя абавязальніцтвы і абавязальніцтвы перад АБСЕ па забеспячэнні адукацыі на мовах нацыянальных меншасцяў, піша «Еўрарадыё».
Вярхоўны камісар АБСЕ па справах нацыянальных меншасцяў Кайрат Абдрахманаў заклікаў улады Беларусі перагледзець сваё рашэнне і забяспечыць адэкватнае выкладанне моў нацыянальных меншасцяў.
Пра тое, што літоўскія школы ў Беларусі мусяць быць пераведзеныя на беларускую ці рускую мовы, стала вядома пры канцы красавіка. З 1 верасня літоўская мова застанецца ў гэтых школах толькі прадметам.
Пры гэтым школа ў Рымдзюнах была пабудаваная ў 1996 годзе на літоўскія сродкі, а Пеляская школа ўтрымліваецца за кошт сродкаў літоўскага міністэрства адукацыі. У міністэрстве падкрэсліваюць, што калі беларускія ўлады не адменяць сваё рашэнне, то школа перастане падтрымлівацца Літвой.
У Пеляскай школе вучыцца 127 дзяцей і працуюць 23 настаўнікі, 11 з якіх з'яўляюцца грамадзянамі Літвы. У Рымдзюнскай — 82 вучні і 18 настаўнікаў, 14 з якіх з'яўляюцца грамадзянамі Літвы.
-
«Не проста запальваем, а адраджаем традыцыю». Ліхтаршчык з Брэста расказаў пра магію святла, гузік на ўдачу і старадаўнюю музыку
-
У вёсцы пад Брэстам мясцовыя жыхары рэгулярна канфліктуюць з адпачывальнікамі. Дайшло да абстрэлу электрамабіля
-
Беларусь займае другое месца па папулярнасці для студэнтаў з Расіі
Цяпер чытаюць
Паветраная гімнастка паказала закуліссе працы ў Белдзяржцырку7
Каментары
Рэд. У Вільні працуе беларускамоўная гімназія імя Францішка Скарыны, а расейскамоўных школ, гімназій і дзіцячых садкоў у Літве дзясяткі. Тым часам у Беларусі закрытыя апошнія школы на польскай і літоўскай мовах, а школ на беларускай мове засталіся адзінкі.