Litva pratestuje z nahody zakryćcia ŭ Biełarusi litoŭskich škoł
Litva zajaviła pratest Biełarusi z nahody prybirańnia ŭ škołach viosak Rymdziuny Astravieckaha i Pielasa Voranaŭskaha rajona litoŭskaj movy z 1 vieraśnia. Padčas pasiadžeńnia Pastajannaj rady ABSIE časovy pradstaŭnik Litoŭskaj Respubliki pry mižnarodnych arhanizacyjach u Vienie Nida Jakubonie zajaviła, što aficyjny Minsk parušaje mižnarodnyja abaviazalnictvy i abaviazalnictvy pierad ABSIE pa zabieśpiačeńni adukacyi na movach nacyjanalnych mienšaściaŭ, piša «Jeŭraradyjo».
Viarchoŭny kamisar ABSIE pa spravach nacyjanalnych mienšaściaŭ Kajrat Abdrachmanaŭ zaklikaŭ ułady Biełarusi pierahledzieć svajo rašeńnie i zabiaśpiečyć adekvatnaje vykładańnie moŭ nacyjanalnych mienšaściaŭ.
Pra toje, što litoŭskija škoły ŭ Biełarusi musiać być pieraviedzienyja na biełaruskuju ci ruskuju movy, stała viadoma pry kancy krasavika. Z 1 vieraśnia litoŭskaja mova zastaniecca ŭ hetych škołach tolki pradmietam.
Pry hetym škoła ŭ Rymdziunach była pabudavanaja ŭ 1996 hodzie na litoŭskija srodki, a Pielaskaja škoła ŭtrymlivajecca za košt srodkaŭ litoŭskaha ministerstva adukacyi. U ministerstvie padkreślivajuć, što kali biełaruskija ŭłady nie admieniać svajo rašeńnie, to škoła pierastanie padtrymlivacca Litvoj.
U Pielaskaj škole vučycca 127 dziaciej i pracujuć 23 nastaŭniki, 11 ź jakich źjaŭlajucca hramadzianami Litvy. U Rymdziunskaj — 82 vučni i 18 nastaŭnikaŭ, 14 ź jakich źjaŭlajucca hramadzianami Litvy.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary
Red. U Vilni pracuje biełaruskamoŭnaja himnazija imia Franciška Skaryny, a rasiejskamoŭnych škoł, himnazij i dziciačych sadkoŭ u Litvie dziasiatki. Tym časam u Biełarusi zakrytyja apošnija škoły na polskaj i litoŭskaj movach, a škoł na biełaruskaj movie zastalisia adzinki.