«У момант родаў нават акушэрка анямела». У Брытаніі нарадзіліся двайняты са скурай розных колераў
Гэта гісторыя двух дзяцей Шантэль Братан, якія нарадзіліся ў красавіку мінулага года ў Брытаніі. Двайнят завуць Аён і Азіра. Аён, хлопчык, нарадзіўся са светлай скурай і зялёнымі вачыма. У маленькай сястрычкі Азіры цёмная скура і карыя вочы.
«У момант родаў нават акушэрка анямела, убачыўшы, што немаўляты маюць два розныя колеры скуры»
«Увесь час пытаюцца, ці абое яны мае дзеці, — кажа шчаслівая матуля. Але яна ўжо прызвычаілася да такіх пытанняў. Згадваючы час, калі ёй паказалі нованароджаных пасля родаў, Шантэль кажа: «Гэта быў шок. Тады я падумала, што ў мяне двое сапраўды ўнікальных дзяцей».
Затым дадае: «Людзі часта запытваюць: «Ты ўпэўнена, што абое твае і што ў шпіталі не было нейкай памылкі?»».
Што кажуць педыятры
Выпадак з Аёнам і Азірай — не адзіны. Імавернасць таго, што міжрасавая пара будзе мець двайнят з розным колерам скуры, складае 1 да 500. Дзядуля Шантэль — нігерыец па матчынай лініі, а бацька яе дзяцей напалову ямаец і напалову шатландзец.
На думку педыятраў, якія сочаць за дзецьмі, розніца ў колерах паміж імі будзе станавіцца ўсё больш і больш прыкметнай.
«Я думаю, што іх валасы таксама будуць іншымі», — кажа медсястра. «У маленькай дзяўчынкі будуць густыя і кучаравыя валасы, у хлопчыка прамыя».
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары
гэта я так прывяла - для агульнага развіцця некаторых. што бывае вось нават так... ясна, што гэта не ейны выпадак. але тут таксама нельга сказаць, што чорненькі ў тату, а беленькі ў маму. мажліва ўсё цалкам наадварот - у яе дзядуля нігіерыец, а ён напалову шатландзец. ці абодва хлопчыкі ўзялі ад двух бацькоў.