На Вілейшчыне знайшлі фрагмент кафлі з гербам Вялікага Княства Літоўскага
Днямі вілейскіх краязнаўцаў усцешылі чарговыя знаходкі на месцы аднаго з былых маёнткаў. Самая каштоўная — кафля меркавана XVI-XVII стагоддзяў з фрагментам «Пагоні», паведамляе «Рэгіянальная газета».
«Паказваў фотаздымак знаходкі археолагам. Усе — у шоку. У адзін голас кажуць, што кафля з фрагментам выявы герба Вялікага Княства Літоўскага — вельмі рэдкая, унікальная для Беларусі знаходка. Аналагаў — адзінкі. Вядома, што такая кафля была ў Полацкім замку», — расказаў «Рэгіянальнай газеце» вілейскі краязнаўца Дзяніс Канецкі.
Археолагі таксама адзначылі, што такая выява на кафлі — паказчык таго, што ў маёнтку жыў вельмі заможны род. Вядома, што маёнтак пэўны час належаў роду Глябовічаў. А згодна з дакументамі, яны пакінулі гэтае месца якраз у канцы XVII стагоддзя.
Па словах Дзяніса Канецкага, цяпер абмяркоўваецца наданне ўчастку, дзе знойдзена кафля, статуса археалагічнага помніка. Таксама магчымае правядзенне тут раскопак вясной.
Цяпер чытаюць
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію5
Каментары