Na Vilejščynie znajšli frahmient kafli z hierbam Vialikaha Kniastva Litoŭskaha
Dniami vilejskich krajaznaŭcaŭ uściešyli čarhovyja znachodki na miescy adnaho z byłych majontkaŭ. Samaja kaštoŭnaja — kafla mierkavana XVI-XVII stahodździaŭ z frahmientam «Pahoni», paviedamlaje «Rehijanalnaja hazieta».
«Pakazvaŭ fotazdymak znachodki archieołaham. Usie — u šoku. U adzin hołas kažuć, što kafla z frahmientam vyjavy hierba Vialikaha Kniastva Litoŭskaha — vielmi redkaja, unikalnaja dla Biełarusi znachodka. Anałahaŭ — adzinki. Viadoma, što takaja kafla była ŭ Połackim zamku», — raskazaŭ «Rehijanalnaj haziecie» vilejski krajaznaŭca Dzianis Kaniecki.
Archieołahi taksama adznačyli, što takaja vyjava na kafli — pakazčyk taho, što ŭ majontku žyŭ vielmi zamožny rod. Viadoma, što majontak peŭny čas naležaŭ rodu Hlabovičaŭ. A zhodna z dakumientami, jany pakinuli hetaje miesca jakraz u kancy XVII stahodździa.
Pa słovach Dzianisa Kanieckaha, ciapier abmiarkoŭvajecca nadańnie ŭčastku, dzie znojdziena kafla, statusa archieałahičnaha pomnika. Taksama mahčymaje praviadzieńnie tut raskopak viasnoj.
Kamientary