Кіно11

Што паглядзець. «Англічанка» (The English) — найлепшы вестэрн за доўгі час

Новы серыял ад Prime Video, магчыма, мае заблытаны сюжэт, але за ім хаваецца выдатнае шоу.

Фота: Amazon Studios

У цэнтры ўвагі «Англічанкі» — Карнэлія і Элі, сыграныя адпаведна Эмілі Блант і Часкам Спенсерам. Паміж гэтымі незвычайнымі людзьмі ў жорсткіх умовах пустынь Дзікага Захаду ўтвараецца нечаканая, але неразрыўная сувязь. Гэтых двух персанажаў (і акцёраў, што іх іграюць) больш чым дастаткова, каб зрабіць добры серыял, але стваральнікі «Англічанкі» пастаянна дадаюць у сюжэт усё новыя і новыя дэталі. У выніку мы маем шэсць серый, матэрыялу ў якіх хапіла б і на дзесяць гадзін, мяркуе Variety.

Усе сцэны са сваім удзелам — ад першай яркай да апошняй меланхалічнай — Блант напаўняе ўнікальным спалучэннем цеплыні, гумару і рашучасці. Яе гераіня, Карнэлія, належыць да англійскай арыстакратыі, і яна апантаная жаданнем помсты за памерлага сына. Спенсер, што ўвасабляе супярэчлівага карэннага амерыканца, ураўнаважвае яе эмацыйнасць сваёй цвёрдасцю характара.

Першапачаткова здаецца, што Карнэлія і Элі — гэта максімальна розныя людзі, але чым больш мы паглыбляемся ў сюжэт, тым больш робіцца зразумелым, наколькі яны насамрэч падобныя. Нягледзячы на расавыя, сацыяльныя і культурныя адрозненні герояў, сувязь між імі робіцца тэматычнай і эмацыйнай асновай трохі сумбурнай «Англічанкі».

Акцёры другога плана граюць выдатна, а рэжысёр Х’юга Блік знайшоў цікавыя хады. Тым не менш, не ўсе крытыкі задаволеныя тым, які сцэнар для серыяла стварыў Блік: напрыклад, апошнія два эпізоды называюць трохі заблытанымі, а то і непаслядоўнымі. На жаль, апошнія серыі «Англічанкі» — гэта не тое яркае завяршэнне, якога заслугоўвае гэты серыял.

Фота: Amazon Studios

Нягледзячы на гэта, у стваральнікаў атрымаўся добры, а месцамі і ўвогуле выдатны вестэрн. Нават у сваіх найгоршых эпізодах, большасць з якіх прыпадаюць на фінал «Англічанкі», шоу выглядае ўнікальным прадстаўніком свайго жанру, які ў Галівудзе ў апошнія гады збольшага ігнаруюць. Што яшчэ важна, серыял нагадвае, якую працу могуць рабіць выдатныя акцёры накшталт Блант і Спенсера, калі ім даюць магчымасці і свабоду, якой яны заслугоўваюць. Стваральнікі «Англічанкі» выбіраюць не абмяжоўваць сваіх зорак, таму тыя і праяўляюць сябе так добра.

Ды і самае важнае тут — не дакладнасць сюжэта. Больш важным ёсць тое, што ў «Англічанцы» мы сустракаем шмат ашуканскіх персанажаў, якія ілюструюць бязлітаснасць Дзікага Захаду. Важна і тое, што масавыя забойствы карэнных амерыканцаў, на якіх быў пабудаваны Новы свет, не забытыя і заўсёды будуць прысутнічаць у жыццёвай гісторыі Элі і людзей, у якіх ён з Карнэліяй шукае прытулак. Нарэшце, важна тое, што хоць вы і можаце заблытацца ў дэталях, сюжэт ніколі не стане незразумелым, а выкананне — менш пераканаўчым.

Рэйтынгі на вялікіх сусветных рэсурсах:

IMDB — 8,1/10

Rotten Tomatoes — 82% (крытыкі), 68% (гледачы)

«Сябар сям’і» (A Friend of the Family) — самая ўражальная крымінальная гісторыя, што толькі можна сябе ўявіць

15 фільмаў са Скандынавіі і Балтыі можна будзе паглядзець бясплатна — вось праграма

«Нэтфлікс» экранізаваў Рэмарка. Глядзець і пераслаць спасылку ўсім расіянам і лукашыстам, якіх ведаеце

Каментары1

  • XXX
    19.11.2022
    Людцы мае дарагія,
    ну ці ня сорамна ставіць маскальскія трэйлеры, калі ёсьць арыгінальныя, па-ангельску!?
    Словы пішаце нібы правільныя (збольшага), а ўчынкі сарамацюшчыя.

Цяпер чытаюць

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Усе навіны →
Усе навіны

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

Эйсмант разлічвае, што на перамовах па Украіне спрацуюць беларускія карані Кушнера14

У Мінску пасля пяці месяцаў працы закрываецца піцэрыя Foca1

З Кастрычніцкай у Мінску знік партрэт Караткевіча. Аўтар патлумачыў, чаму замяніў яго9

Пентагон скароціць менш амерыканскіх вайскоўцаў у Еўропе, чым планавалася раней

Сабаленка ўнеслі ў базу «Міратворца» пасля скандалу на матчы з украінкай Світолінай24

«Дзякуй жанчынам, якія дачакаліся». Tor Band паказалі сваю першую рэпетыцыю3

55‑гадовага прадпрымальніка асудзілі за палітыку: ён штодня спрачаўся з ватнікамі ў Z‑чатах10

больш чытаных навін
больш лайканых навін

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Галоўнае
Усе навіны →

Заўвага:

 

 

 

 

Закрыць Паведаміць