«Зброя тэрарыстаў». УСУ Украіны заявілі, што па шматпавярховіку ў Дняпры ўдарыла расійская ракета Х-22
Прадстаўнік Паветраных сіл УСУ Юрый Ігнат заявіў, што ў шматпавярховы дом у Дняпры трапіла расійская ракета Х-22, запушчаная бамбардзіроўшчыкам Ту-22М3 з раёна Курска і Азоўскага мора, піша BBC. Гэтая ракета прызначаная для знішчэння авіяносных груп у моры.
Расія выкарыстоўвала гэтыя ракеты для ўдараў па Украіне 5-га, 12-га і 29-га снежня, а таксама яшчэ раней. Ракета такога ж тыпу трапіла ў гандлёвы цэнтр Краменчуга ў ліпені — тады загінулі 20 чалавек. Сёння Расія запусціла пяць такіх ракет па Украіне, дадаў Ігнат.
Паводле апошняй інфармацыі, у выніку пападання ракеты па шматпавярховіку ў Дняпры было паранена 64 чалавекі. З-пад завалаў выратавалі 35 чалавек, у тым ліку 6 дзяцей. Экстранныя службы і жыхары горада працягваюць разбор завалаў.
Таксама Ігнат заявіў, што расійскія вайскоўцы білі сёння па Кіеве і іншых гарадах зенітнымі ракетамі С-300 альбо С-400.
«Чаму мы называем гэта зброяй тэрарыстаў? Таму што ракеты прызначаныя для паражэння паветраных цэляў з тысячамі паражальных элементаў, для таго, каб знішчаць самалёт, ракету, БПЛА або верталёт. Гэтыя абломкі ляцяць на сотні метраў, трапляюць у мірнае насельніцтва. Па гарадах страляць — гэта чыстай вады тэрарызм. Гэтымі ракетамі сёння білі па Кіеве. І па Харкаве таксама былі ў гэтыя суткі ўдары менавіта гэтымі комплексамі», — сказаў ён.
Цяпер чытаюць
Бізнэсовец родам з Бабруйска адмовіцца ад свайго гіганцкага аўстралійскага заробку дзеля шанцу атрымаць $35 мільёнаў3
Каментары