WP: Дырэктар ЦРУ таемна наведаў Кіеў і распавёў Зяленскаму аб планах Расіі
Дырэктар Цэнтральнага разведвальнага ўпраўлення ЗША Уільям Бернс таемна наведаў Кіеў у канцы мінулага тыдня і сустрэўся з прэзідэнтам Украіны Уладзімірам Зяленскім, піша The Washington Post са спасылкай на крыніцы.
Як адзначае выданне, Бернс прыбыў ва Украіну, каб праінфармаваць Зяленскага аб ваенных планах Расіі на найбліжэйшыя тыдні і месяцы.
Па даных крыніц, Зяленскі і прадстаўнікі ўкраінскай разведкі абмяркоўвалі, як доўга Украіна можа разлічваць на працяг дапамогі з боку ЗША і Захаду пасля таго, як рэспубліканцы атрымалі большасць у Палаце прадстаўнікоў Кангрэса.
Бернс адзначыў «вастрыню моманту» на полі бою і прызнаў, што ў нейкі момант дапамогу будзе цяжэй атрымаць, сцвярджаюць крыніцы.
Пасля сустрэчы з Бернсам на мінулым тыдні «ў Зяленскага і яго памочнікаў склалася ўражанне, што падтрымка Кіева з боку адміністрацыі Байдэна застаецца моцнай, і 45 мільярдаў даляраў экстраннага фінансавання для Украіны, прынятых Кангрэсам у снежні, хопіць як мінімум да ліпеня ці жніўня».
-
Стас Міхайлаў, Міхаіл Шуфуцінскі і Наташа Каралёва праспявалі для кіраўнікоў СНД у Эрмітажы
-
Мелоні выставіла на аўкцыён кур’ёзныя дзяржаўныя падарункі. Сярод лотаў — чаравікі са скуры пітона, iPad ад Зяленскага і мех рысу
-
Загінуў Вінс Зампела — распрацоўшчык відэагульняў Call of Duty і Battlefield 6
Каментары