WP: Dyrektar CRU tajemna naviedaŭ Kijeŭ i raspavioŭ Zialenskamu ab płanach Rasii
Dyrektar Centralnaha raźviedvalnaha ŭpraŭleńnia ZŠA Uiljam Bierns tajemna naviedaŭ Kijeŭ u kancy minułaha tydnia i sustreŭsia z prezidentam Ukrainy Uładzimiram Zialenskim, piša The Washington Post sa spasyłkaj na krynicy.
Jak adznačaje vydańnie, Bierns prybyŭ va Ukrainu, kab prainfarmavać Zialenskaha ab vajennych płanach Rasii na najbližejšyja tydni i miesiacy.
Pa danych krynic, Zialenski i pradstaŭniki ŭkrainskaj raźviedki abmiarkoŭvali, jak doŭha Ukraina moža raźličvać na praciah dapamohi z boku ZŠA i Zachadu paśla taho, jak respublikancy atrymali bolšaść u Pałacie pradstaŭnikoŭ Kanhresa.
Bierns adznačyŭ «vastryniu momantu» na poli boju i pryznaŭ, što ŭ niejki momant dapamohu budzie ciažej atrymać, śćviardžajuć krynicy.
Paśla sustrečy ź Biernsam na minułym tydni «ŭ Zialenskaha i jaho pamočnikaŭ skłałasia ŭražańnie, što padtrymka Kijeva z boku administracyi Bajdena zastajecca mocnaj, i 45 miljardaŭ dalaraŭ ekstrannaha finansavańnia dla Ukrainy, pryniatych Kanhresam u śniežni, chopić jak minimum da lipienia ci žniŭnia».
Polšča pryznała Alaksandra Mašenskaha niepažadanaj asobaj27
Kamientary