ЗША ўгаварылі саюзнікаў пакуль не рабіць больш строгімі нафтавыя санкцыі супраць Расіі
ЗША, якія ў снежні пераканалі Еўропу змякчыць нафтавыя санкцыі супраць Расіі перад самым іх уступленнем у сілу, здолелі адгаварыць ЕС і ад запланаванага на люты ўзмацнення строгасці гэтых санкцый, так як Вашынгтон асцерагаецца рэзкага скачка цэн на нафту і нафтапрадукты ў выпадку маштабных перабояў у пастаўках з Расіі, паведамляе Бі-бі-сі.
Гаворка ідзе пра так званую столь цэн на расійскую нафту. Краіны «Вялікай сямеркі» і ЕС увялі яе ў снежні адначасова з еўрапейскім эмбарга на марскія пастаўкі нафты з Расіі. Столь усталявалі на ўзроўні 60 даляраў за бараль.
Так як расійская нафта гатунку Urals каштавала з таго часу танней, прымяняць столь не давялося. Некаторыя еўрапейскія краіны, у першую чаргу Польшча, Літва і Эстонія, патрабавалі панізіць яе.
Першы шанец зрабіць гэта павінен быў з'явіцца ўжо ў сярэдзіне лютага, бо краіны «Вялікай сямёркі» і ЕС дамовіліся пераглядаць столь раз на два месяцы і ўсталёўваць яе мінімум на 5% ніжэй за бягучую рынкавую цану.
Аднак ЗША ўгаварылі саюзнікаў адкласці гэты перагляд да сярэдзіны сакавіка, пішуць Reuters i Bloomberg.
Адтэрміноўка дасць час ацаніць наступствы яшчэ аднаго еўрапейскага эмбарга на куплю і транспарціроўку расійскіх нафтапрадуктаў. Яно ўступае ў сілу 5 лютага. На нафтапрадукты, як і на нафту, будзе ўведзеная свая столь цэн. Яе пачнуць абмяркоўваць на наступным тыдні.
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
Каментары