У судзе Савецкага раёна Мінска 24 студзеня вынесены прысуд 18-гадовай Дар’і Ганіч і 19-гадовай Кацярыне Снігіровай, якіх абвінавацілі ў знявазе дзяржаўных сімвалаў паводле арт. 370 Крымінальнага кодэкса, паведамляе «Вясна».
Справу разглядала суддзя Алена Жуковіч.
Паводле абвінавачання, сяброўкі 22 лістапада 2022 года, знаходзячыся каля будынка інтэрната КТУП «Мінскі Камароўскі рынак» сарвалі з фасада гэтага будынка дзяржаўны сцяг. Затым дэманстратыўна махалі ім, ідучы па вуліцы Беламорскай, пасля чаго кінулі яго на зямлю.
Пры гэтым свае дзеянні здымалі на камеру мабільнага тэлефона, а фота — і відэафайлы выкладвалі ў групу ў сацыяльнай сетцы, чым публічна зняважылі дзяржсімволіку.
Падчас судовага пасяджэння дзяўчаты прызналі віну ў поўным аб'ёме і чыстасардэчна раскаяліся.
Суд пастанавіў прызначыць Кацярыне Снігіровай абмежаванне волі без накіравання ў папраўчую ўстанову адкрытага тыпу на тэрмін 1 год 6 месяцаў, а Дар’і Ганіч — арышт на тэрмін 3 месяцы.
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары