Грамадства

У Віцебску месяц таму знік ураджэнец Чарнігава, які працаваў у Віцебскім аблвыканкаме

Чарнігаўскае выданне Cheline паведаміла, што месяц таму ў Віцебску некуды знік ураджэнец Чарнігава Андрэй Шмай, які працаваў у Віцебскім аблвыканкаме. Каб зразумець, што адбылося, гомельскае выданне «Флагшток» пагаварыла з маці зніклага мужчыны.

Андрэй Шмай нарадзіўся ў Чарнігаве ў 1987 годзе. У Беларусь ён пераехаў у 2013 годзе, атрымаў тут дазвол на жыхарства. У Віцебскім аблвыканкаме ён, як паведамляецца, выконваў розныя работы, звязаныя з падтрыманнем матэрыяльнай часткі ўстановы (абслугоўванне электрыкі, сантэхнікі і іншыя бягучыя работы, якія не патрабуюць высокай кваліфікацыі).

Жонка Андрэя Вікторыя таксама нарадзілася ў Чарнігаве, пераехала ў Беларусь у 2000-м, цяпер у яе ёсць беларускае грамадзянства. Іхні сын вучыцца ў віцебскай школе.

Маці Андрэя Ірына Шмай апісвае абставіны знікнення:

«19 студзеня пасля заканчэння працоўнага дня Андрэя папрасілі затрымацца нейкія людзі. Папрасілі затрымацца, ён затрымаўся і ўсё. На працы сказалі, што затрымалі спецслужбы. Я не ведаю, за што яго затрымалі, відаць, за тое, што проста ўкраінец.

Толькі дзеля таго. Ён проста працаваў, у іх нармальная сям'я: праца — дом. Ні з кім не размаўляў, нікуды не выязджаў за мяжу, у Чарнігаве апошні раз быў у лютым 2020 года».

Пасля гэтага жонка Андрэя стала абзвоньваць месцы, у якіх можа знаходзіцца яе муж, але безвынікова.

Ірыне вядома, што праз два тыдні жонцы Андрэя патэлефанавалі з органаў. Чалавек, які назваўся следчым, папрасіў перадаць дакументы Андрэя. Больш ніякай інфармацыі маці Андрэя не ведае — ягоная жонка напалоханая сітуацыяй і не можа паведаміць якія-небудзь падрабязнасці.

На працягу месяца, які ўжо мінуў, МУС і КДБ публічна не паведамлялі пра затрыманні, якія б падыходзілі па апісанні на затрыманне Андрэя Шмая.

Пры дапамозе ўкраінскага пасольства ў Беларусі, а таксама праз народнага дэпутата Украіны і МЗС Украіны ў канцы студзеня Ірына Шмай запытала інфармацыю пра свайго сына ў Міністэрстве замежных спраў Беларусі. Але па стане на 15 лютага адказу ад МЗС не было.

Каментары

Цяпер чытаюць

«Гэта шлях адзіночкі». Беларус большую частку жыцця праводзіць у вандроўках — наведаў ужо амаль 500 аб’ектаў ЮНЕСКА9

«Гэта шлях адзіночкі». Беларус большую частку жыцця праводзіць у вандроўках — наведаў ужо амаль 500 аб’ектаў ЮНЕСКА

Усе навіны →
Усе навіны

Без шлагбаўма і па перадаплаце. Што зменіцца для аўтамабілістаў Беларусі: новыя правілы платных парковак

Якая гарэлка з Беларусі ўвайшла ў рэйтынг найлепшых сусветных алкагольных брэндаў12

Топ-100 кампаній Польшчы з беларускімі каранямі ўзначаліў EPAM, у спіс увайшла і кампанія Сахашчыка11

Тачыць лясы. Што такое лясы і навошта іх точаць?1

Чаму цямнее Сусветны акіян і чым гэта пагражае2

Бацька Ілана Маска прыляцеў у Маскву для ўдзелу ў форуме, арганізаваным Дугіным8

У Германіі ацанілі страты Расіі ў выніку спецаперацыі «Павуцінне»1

Ілан Маск незадоўга да адстаўкі пабіўся з міністрам фінансаў11

У Мінску адкрылі Нацыянальны футбольны стадыён14

больш чытаных навін
больш лайканых навін

«Гэта шлях адзіночкі». Беларус большую частку жыцця праводзіць у вандроўках — наведаў ужо амаль 500 аб’ектаў ЮНЕСКА9

«Гэта шлях адзіночкі». Беларус большую частку жыцця праводзіць у вандроўках — наведаў ужо амаль 500 аб’ектаў ЮНЕСКА

Галоўнае
Усе навіны →

Заўвага:

 

 

 

 

Закрыць Паведаміць