Дэканам журфака БДУ паставілі палітолага, які спецыялізуецца на антызаходняй прапагандзе
Аляксей Бяляеў быў госцем перадачы Маркава і эфіру СТБ.
Аб прызначэнні новага дэкана паведаміла Міністэрства інфармацыі.
Аляксей Бяляеў у 1996-м з адзнакай скончыў філалагічны факультэт Віцебскага дзяржаўнага ўніверсітэта па спецыяльнасці «Руская мова, літаратура і гісторыя».
У 2002 годзе адвучыўся ў аспірантуры гістарычнага факультэта Беларускага дзяржаўнага ўніверсітэта.
Бяляеў з'яўляецца кандыдатам гістарычных навук і дацэнтам.
Пачынаў сваю кар'еру з працы настаўнікам гісторыі ў школе.
З 1996-га па 1997-ы служыў у войску, пасля быў асістэнтам кафедры філасофіі Віцебскага дзяржаўнага ўніверсітэта імя П. Машэрава.
З 2002-га па 2018-ы працаваў у Беларускім нацыянальным тэхнічным універсітэце на пасадзе выкладчыка на кафедры «Гісторыя, сусветная і айчынная культура», пасля быў загадчыкам кафедры паліталогіі.
Апошнія гады працаваў на пасадзе дырэктара Інстытута магістарскай падрыхтоўкі БДЭУ.
Аляксей Бяляеў з'яўляецца аўтарам газеты адміністрацыі Лукашэнкі «СБ.Беларусь сегодня». Піша калонкі пра палітыку: «Рабаванне актываў і адмова ад прынцыпаў недатыкальнасці ўласнасці: чым яшчэ займаюцца еўрапейскія палітыкі», «Заходні палітычны клас здрабнеў», «Жудасная рэальнасць Захаду: гераізацыя нацызму і забыццё подзвігу савецкіх салдат-вызваліцеляў».
Бяляева часта запрашаюць у якасці эксперта ў прапагандысцкую праграму на СТБ «Сас упаўнаважаны заявіць». Ён таксама быў госцем у Маркава на АНТ. У перадачах ён разважае пра змову Захаду супраць Беларусі і Расіі, эканамічны заняпад еўрапейскіх краін.
Папярэдні дэкан журфака, Вольга Самусевіч сышла з пасады ў кастрычніку 2022 года. У 2020 годзе і пасля яго яна праславілася рэпрэсіямі ў дачыненні да студэнтаў, якія выходзілі на акцыі пратэстаў, былі затрыманыя і адбывалі суткі.
Самусевіч прымушала студэнтаў пісаць тлумачальныя, выносіла дысцыплінарныя спагнанні, адлічвала з факультэта.
Чытайце таксама:
З журфака БДУ сышла дэкан — яна адлічвала студэнтаў пасля сутак
Памятаеце выкладчыцу БДУ, якая апраўдвалася за адпачынак у Еўропе? Яна падзялілася ўражаннямі: Там стаміліся ад непрыгожых амерыканцаў
«Хацелі даць заяўку на чалавека, але ён не прайшоў ідэалагічную праверку». Студэнты журфака расказалі, куды іх збіраюцца размяркоўваць
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч18
Каментары