Кабанаў расказаў, як падчас выбараў вылічыў агента ў ініцыятыўнай групе Ціханоўскай
Брэсцкі блогер Аляксандр Кабанаў падчас выбараў быў прэс-сакратаром ініцыятыўнай групы Святланы Ціханоўскай. У выпуску «Ток» ён расказаў, як тады вылічыў агента ў яе атачэнні.
11 чэрвеня 2020 года, калі ішла перадвыбарчая кампанія, Святлана Ціханоўская запісала зварот, у якім сказала, што на найбліжэйшыя выхадныя адмяняе збор подпісаў.
Кабанаў згадвае той момант:
«Яна мне тэлефануе і кажа: «Саша, мяне адзін чалавек папярэдзіў, што ў выхадныя ва ўсіх абласных гарадах і ў Мінску на зборах подпісаў будуць правакацыі, будуць выбухі, будуць забойствы. Я гэтага баюся, я гэтага не хачу, адмяняем увесь збор».
Я спытаў: а што за чалавек табе такую інфармацыю сказаў? Гэта ж звышсакрэтная інфармацыя, гэта спецаперацыя, пра якую наогул ніхто не даведаецца».
Імя Святлана не назвала, таму блогер вырашыў праверыць групы людзей і кожнаму паасобку закінуў пэўную інфармацыю.
«І гэтая інфармацыя прасочваецца ў сілавыя структуры. А ўсім інфармацыя розная была дадзеная. І я разумею, хто гэта. У мяне хлопцы былі, хакеры — не хакеры, не ведаю, як называць, але ўмеюць збіраць інфармацыю пэўную. Я падкідваю ім пра яго: дайце мне расклад, хто гэты чалавек — і мне ўсё расказваюць. Ён аказаўся агентам».
Калі Кабанаў назваў яго Ціханоўскай, яна пацвердзіла, што гэта той чалавек, які палохаў правакацыямі.
Блогер кажа, што яго самога праслухоўвалі ў бальніцы. Ён пра гэта пазней даведаўся з матэрыялаў справы.
«Калі мяне паклалі ў бальніцу з каранавірусам, я толькі прыйшоў у палату, толькі пачаў шуфлядку адчыняць, залятае загадчыца аддзялення: «Не, стоп, не туды». І мяне кладуць у палату асобную, дзе я ляжу адзін, стаіць тэлевізар, мікрахвалёўка. Для ветэранаў палата. Кажу: а што гэта? Мы пра гэтую загадчыцу калісьці рабілі матэрыял, нармальна ўздручылі. А тут такое».
Глядзець цалкам:
Цяпер чытаюць
«Абмяркоўваем пытанне аб вызваленні яшчэ 1300 зняволеных». Трамп расказаў, пра што гаварыў з Лукашэнкам27
Каментары