Сёння мясцовыя выбары ў Літве. Галасаваць могуць і эмігранты. Але ці варта беларусам галасаваць?
Сёння Літва выбірае мэраў і самакіраванне. Галасаваць на выбарах мае права любы чалавек, зарэгістраваны ў горадзе, у тым ліку і новыя эмігранты-беларусы, якія атрымалі пастаянны (не часовы) дазвол на жыхарства. Маральная праблема: а ці справядліва нам, беларусам, галасаваць? І палітычнае пытанне: калі так, то за каго?
Беларусам неабходна быць далікатнымі ў любых унутрыпалітычных пытаннях тых краін, дзе мы часова апынуліся. За нашу магчымасць жыць у свабодзе і працягваць нашу працу дзеля Беларусі ўдзячнасць належыць і літоўцам, і палякам, і грузінам, і латышам, якія гэтую свабоду сваёй працай забяспечваюць. Нягожа праяўляць высакамернасць ці непавагу. Трэба паважаць мясцовыя нормы, вучыць мову краіны, дзе вы жывяце, строга выконваць яе законы.
Калі вы рашаеце галасаваць на мясцовых выбарах, то, хоць самакіраванне і займаецца лакальнымі пытаннямі, усё ж памятайце, што важна не аддаваць галасоў тым палітычным сілам, якія мелі сувязі з Расіяй або лукашэнкаўцамі ці падкія на расійскія грошы.
Гэта агромністая радасць — магчы аддаць голас за тую палітыку, якая табе падабаецца, і ведаць, што гэты голас будзе ўлічаны. Мы, беларусы, як ніхто ведаем, якую дарагую цану даводзіцца плаціць, каб здабыць дэмакратыю.
-
Камандуючы НАТА не гаварыў пра ўдары па Беларусі ў выпадку нападу Расіі з яе тэрыторыі. Гэта агучвалася ў ранейшай стратэгіі
-
Беларускі музей імя Івана Луцкевіча рыхтуе выставу да 120‑годдзя «Нашай Нівы» і просіць дапамагчы з экспанатамі
-
«Наша Ніва» атрымала тры журналісцкія прэміі. Сярод пераможцаў Бугай і Роўда
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!5
Каментары