Літоўская разведка: Беларусь і «Расатам» замоўчваюць інцыдэнты на Астравецкай АЭС
Расійская ядзерная карпарацыя «Расатам» не можа гарантаваць надзейнасць і бяспеку сваіх тэхналогій. Гэта даказваюць інцыдэнты, якія адбыліся на Астравецкай АЭС у Беларусі ў 2022 годзе, паведамляе разведка Літвы. Паводле яе, тое, што робіцца на АЭС, складае пагрозу ядзернай і ўвогуле нацыянальнай бяспецы Літвы.
«Тэхналогіі «Расатама», якія спрабуюць захаваць свае пазіцыі на рынку ядзернай энергетыкі, маюць недахопы, хоць карпарацыя сцвярджае, што яны адпавядаюць высокім стандартам ядзернай бяспекі», — пішуць Дэпартамент дзяржаўнай бяспекі (VSD) і Другі дэпартамент аператыўных службаў (AOTD) Міністэрства нацыянальнай абароны Літвы ў штогадовай ацэнцы пагроз, апублікаванай у чацвер.
Паводле звестак літоўскай разведкі, Беларусь і «Расатам» замоўчвалі інцыдэнты і дэфекты рэактарнай сістэмы, якія адбыліся летась на першым і другім блоках АЭС.
Летась у красавіку першы блок АЭС спынілі на планавы рамонт, але пра выяўленыя падчас яго дэфэкты нічога не паведамлялася.
Згодна з ацэнкай,
у маі 2022 года сістэмы кіравання электрастанцыяй выявілі расколіны на зварных швах верхніх штыфтаў корпуса аднаго рэактара блока.
На думку экспертаў, якасна ліквідаваць дэфекты можна было б толькі пасля дэмантажу рэактара, але з палітычных меркаванняў такое рашэнне нават не разглядалася.
Менавіта тэхнічныя праблемы, як сцвярджаецца, не дазволілі рэжыму Лукашэнкі своечасова запусціць другі блок электрастанцыі. Ён мусіў быць уведзены ў эксплуатацыю ў мінулым годзе, але
ў лютым было зафіксавана, што ў хімічным складзе вады ў першым цыркуляцыйным контуры, які астуджае рэактар блока, адбыліся змены, яна забруджаная смоламі. Таму спатрэбілася механічная ачыстка ўсяго трубаправода контура і выгрузка ядзернага паліва.
Вельмі верагодна, што тэхнічныя недахопы Астравецкай АЭС не будуць выпраўленыя нават пасля запуску другога блока, адзначае літоўская разведка.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос8
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары