Пра гэта ў новым выпуску ТОКу расказаў Ігар Варакса, які ў 2019—2021 гадах займаў пасаду дырэктара гэтай навучальнай установы.
Як сцвярджае Варакса, у Ліцэя БДУ здаўна быў куратар з КДБ. Аб існаванні такога чалавека яго папярэдзіў папярэдні дырэктар, калі перадаваў справы:
«Мне дырэктар, калі сыходзіў, сказаў: «Вось нумар тэлефона. Будзе табе тэлефанаваць, гэта наш куратар з КДБ». «І што яму трэба?» — кажу. «А нічога. Мне звычайна тэлефануе ў верасні». Я кажу: «Ну добра».
Па словах Вараксы, яму сапраўды патэлефанавалі ў верасні. І яго здзівіла, з якой нагоды:
«Я думаю: «О, куратар». Ну, окей, і што? «Дзень добры. Кажуць, вось у вас набор у вячэрні ліцэй. Трэба вось, можа, там…».
«Вось і ўсё, што было трэба да 2020 года куратару ад КДБ ад Ліцэя БДУ. Можа, у вячэрні ліцэй кагосьці ўзяць, — кажа былы дырэктар установы.
Як тлумачыць Варакса, у адрозненне ад дзённай формы навучання, колькасць месцаў на якой абмежаваная бюджэтам, вячэрні ліцэй, — камерцыйны праект. Там рыхтавалі дзевяцікласнікаў да паступлення ў Ліцэй БДУ. Таму месцаў шмат, ніякіх абмежаванняў няма».
«Ты можаш і так пайсці і напісаць заяву, гэта не праблема. А камусьці трэба менавіта праз куратара. Кажаш: «Вось там у нас такі кабінет. Трэба прыйсці і дамову заключыць». — «Дзякуй, што сказалі, усё перадам». Вось і ўсе адносіны»,
— згадвае Варакса і дадае, што пазней, прыкладна ў лістападзе-снежні 2022‑га года «з'явіліся іншыя супрацоўнікі, якія ўжо займаліся канкрэтнай работай на месцы».
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3434
Каментары
Хотя раньше предпочитали переучивать с высшим образованием и стажем работы, но так как с такими острый дефицит, то приходится набирать из того же лицея БГУ.
Увогуле, хто гарантуе, што некаторыя з установаў вялі КДБ, а не расіяне?
Ад 2018-2021 астатнія, разам з кітайцамі, наведвалі вышэйшыя ўстановы і пыталіся пра таленавітых студэнтаў у кіраўнікоў аддзельных напрамкаў, дакладна ў тых што звязаныя разам з электронікай і інфарматыкай.
Расейскія дзяды ўпрост наведваліся, кітайцы развешвалі аб’явы пра працу ў Huawei так, як не рабіў ніхто.