Былы міністр сельскай гаспадаркі збіраецца вырошчваць пшаніцу ў Лівіі
Цяпер Анатоль Ліневіч кіруе прадпрыемствам «Беллібтрэйд», піша БелТа.
Былы кіраўнік Міністэрства сельскай гаспадаркі і харчавання Анатоль Ліневіч збіраецца вырошчваць пшаніцу ў Лівіі, пра гэта стала вядома пасля сустрэчы Лукашэнкі з сынам фельдмаршала Хафтара.
«Паспрабуем прадставіць свае веды, тэхналогіі, уменні, каб паказаць, як трэба і можна працаваць у сельскай гаспадарцы. Думаю, што вынік не прымусіць сябе чакаць. Мы пастараемся дапамагчы накарміць народ Лівіі. Вырасціць тую ж пшаніцу, перапрацаваць у хлеб і аддаць гэта людзям», — працытавала Ліневіча БелТа.
Гаворка ідзе аб сумесных вытворчасцях раслінаводчай прадукцыі. Таксама ёсць планы стварыць на лівійскай тэрыторыі малочна-таварны комплекс, птушкафабрыку. Яшчэ адзін праект — стварэнне зборачнага прадпрыемства, але пакуль бакі прапрацоўваюць дамоўленасці па пастаўках тэхнікі.
«Ужо заключаны шэраг кантрактаў па нашых дзяржаўных прадпрыемствах — МТЗ, МАЗ, БелАЗ, «Гомсельмаш». Ужо ёсць кантракты. Нам трэба будзе ў бліжэйшы час пастаўляць тэхніку», — сказаў Ліневіч.
Анатоль Ліневіч прапрацаваў на пасадзе кіраўніка Міністэрства сельскай гаспадаркі 9 месяцаў да сакавіка 2025 года. Яго на міністэрскай пасадзе змяніў Юрый Горлаў. Паводле ўказу, Ліневіч быў адпраўлены ў адстаўку.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос26
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары