Ініцыятыву Сяргея Бульбы «Робім разам» выселілі з варшаўскага памяшкання за доўг у амаль 23 тысячы даляраў
«Робім разам» вызваліла памяшканне яшчэ 29 жніўня, цяпер варшаўскія ўлады плануюць праз суд спагнаць запазычанасць па арэндзе, піша «Белсат».
Як піша «Белсат» са спасылкай на мясцовыя ўлады, дамова на памяшкання ў ініцыятывы была да 12 кастрычніка 2024 года. Гэтая дамова не была працягнутая праз высокую запазычанасць.
«Аднак арганізацыя займала памяшканне без законнага права з 13 кастрычніка 2024 года да 29 жніўня 2025 года. 29 жніўня арганізацыю выселілі з памяшкання», — сцвярджаюць чыноўнікі.
Па іх словах, на 30 верасня 2025 года запазычанасць па арэндзе памяшкання склала 85 221,32 злотыя (каля 23 тысяч даляраў). Яе плануюць спагнаць у судовым парадку.
Сам Бульба кажа, што дамову арэнды ўлады не працягнулі не праз запазычанасць, а праз ананімныя скаргі:
«На той момант запазычанасць была каля 40 тысяч злотых, якую мы закрылі. Мы тады зрабілі збор на польскіх пляцоўках, мы сабралі, мы ўсё гэта закрылі. Дый 40 тысяч — не тыя грошы, за якія выганяюць. Гэта ж не мільённая запазычанасць. Так што мы ўпэўненыя, што гэта ўсё-такі мэтанакіраваная работа. Дванаццаць скаргаў, на пэўным этапе пайшлі дэпутацкія запыты».
Бульба сцвярджае, што былы кіраўнік юрыдычнай асобы, якая працавала ў цэнтры Варшавы, Алесь Лапко «ўмудрыўся вывесці 110 тысячаў». Бульба плануе спагнаць гэтыя грошы, каб вярнуць даўгі за памяшканне.
Зараз памяшканне пустуе.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары
[Зрэдагавана]
- Не, мы толькі грошы дзелім.