«Гэта ўсё няпраўда. Гэта напаказ». З сайта Крамля выдалілі фрагмент відэа з сустрэчы Пуціна з марыупальцамі
Прэс-служба Крамля перамантавала відэа з паездкі Пуціна ў акупаваны Марыупаль, заўважыў канал «Можем объяснить». З новага запісу знік фрагмент, на якім адна з мясцовых жыхарак крычала пра паказуху.
Першапачатковае відэа, апублікаванае на сайце Крамля ў нядзелю, доўжылася 27 хвілін 8 секунд. Скандальны момант адбыўся на адметцы 22:30. Адразу пасля размовы з віцэ-прэмʼерам Маратам Хуснуліным прэзідэнт Расіі падыходзіць да мясцовых жыхароў. Тыя не вераць у прыезд Пуціна, адзін з іх кажа: «Я нават не чакаў». Пуцін адказвае: «Такая праца». І ў гэты момант невядомая жанчына крычыць: «Гэта ўсё няпраўда! Гэта ўсё напаказ!». Пасля гэтага Хуснулін пачынае збянтэжана ўсміхацца, а ахова Пуціна азіраецца па баках.
Новая версія відэазапісу доўжыцца 30 хвілін 52 секунды і значна перамантаваная.
Выкрык невядомай жанчыны выдалены.
Пра паказуху жыхары Марыупаля пісалі і ў гарадскіх чатах. Паводле іх, Пуцін наведаў адзіны адбудаваны гарадскі мікрараён — «Неўскі». Гэта абурыла людзей. «Шкада, што ён да нашага дома не падʼехаў, левы бераг, плошча! Без вокнаў, без дзвярэй, без гарачай вады і ацяплення. Пагаварыў бы з мясцовымі жыхарамі», — абураліся марыупальцы.
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях19
Каментары