Здароўе22

Людзі і іх хатнія гадаванцы могуць перадаваць адно аднаму супербактэрыі, якія маюць устойлівасць да лекаў

Варта ўлічваць гэтую рызыку пры блізкім кантакце са свойскімі жывёламі, бо яны прыносяць у дом больш мікробаў, чым вы думаеце.

dog

Навукоўцы высветлілі, што людзі і іх хатнія гадаванцы здольныя перадаваць устойлівыя да лекаў супербактэрыі, якія могуць выклікаць захворванні рознай ступені цяжкасці. Пра гэта 21 сакавіка паведаміла выданне New York Post са спасылкай на новае даследаванне, якое будзе афіцыйна прадстаўлена ўжо ў наступным месяцы.

У даследаванні, якое 15 красавіка гэтага года будзе агучана на Еўрапейскім кангрэсе клінічнай мікрабіялогіі і інфекцыйных захворванняў у Капенгагене, адзначаецца, што былі зафіксаваныя выпадкі перадачы супермікробаў ад жывёл да чалавека.

Даследчыкі вывучылі амаль 3000 пацыентаў бальніцы Шарытэ ў Берліне. У іх бралі мазкі з носа і прамой кішкі. Таксама мазкі на аналіз бралі ў сабак і катоў, якія жылі разам з пацыентамі. Людзей апытвалі наконт колькасці свойскіх жывёл і наколькі цесна яны з імі кантактуюць.

Навукоўцы шукалі найбольш распаўсюджаныя супербактэрыі (напрыклад, Enterococci, Staphylococcus aureus і Enterobacterales), якія маюць устойлівасць да мноства антыбіётыкаў: метыцыліну, ванкаміцыну, цэфаласпарыну і інш.

«Высветлілася, што ў 30% удзельнікаў быў станоўчы вынік на такія віды бактэрый. Сярод іх 11% — уладальнікі сабак і 9% мелі дома ката. Таксама аналізы паказалі, што ў 15% абследаваных сабак і 5% абследаваных катоў — станоўчы вынік як мінімум на адну супербактэрыю і толькі ў чатырох выпадках з усіх супербактэрыя хатняга гадаванца была такога ж віду, як і ў іх гаспадароў.

Напрыклад, у аднаго мужчыны і ягонага сабакі былі выяўленыя генетычна ідэнтычныя кішэчныя палачкі 3GCR, якія сустракаюцца як у людзей, так і ў жывёл», — піша New York Post са спасылкай на даследаванне.

Пры гэтым навукоўцы адзначаюць, што было выяўлена толькі некалькі такіх выпадкаў, таму можна меркаваць, што ўвогуле наяўнасць пэўнага віду бактэрыі ў катоў і сабак усё ж такі не ёсць гарантыяй перадачы чалавеку небяспечных супербактэрый. 

Але варта таксама ўлічваць, што больш за ўсё ў такім выпадку рызыкуюць менавіта людзі са слабай імуннай сістэмай, бо гэта можа выклікаць у іх захворванні рознай ступені цяжкасці. 

Нагадаем, што супербактэрыі звычайна ўзнікаюць з прычыны частага лячэння антыбіётыкамі, да якіх у бактэрый з часам выпрацоўваецца ўстойлівасць. Кожны год з-за такіх бактэрый ва ўсім свеце памірае ад некалькіх сотняў тысяч да некалькіх мільёнаў чалавек.

Каментары2

  • Гийом Петрович
    31.03.2023
    Лухта. Людзі могут перадаваць, жывёлы могуць, а адкуль і людзі, і жывёлы іх атрымліваюць, каб перадаваць адно аднаму?
  • Максим Дизайнер
    01.04.2023
    Так. Столько бактерий и токсинов, сколько передают люди на коптящих тазах в час, ни один гадаванец в год не передаст.

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю33

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

Пад Барысавам упалявалі першую ў гэтым сезоне рысь2

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю33

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць