Падлетка, вывезенага ў Расію з Марыупаля, спынілі на мяжы з Беларуссю. Ён спрабаваў вярнуцца ва Украіну
Падлетак, вывезены з Марыупаля ў Расію і перададзены там пад апеку, быў спынены расійскімі сілавікамі на мяжы Беларусі пры спробе вярнуцца ва Украіну. Пра гэта распавяла сёння на прэс-канферэнцыі ўпаўнаважаная па правах дзіцяці ў РФ Марыя Львова-Бялова, піша Бі-бі-сі.
Юнака завуць Багдан Ярмохін, пытанне пра яго задаў карэспандэнт дзяржаўнага тэлеканала «Расія». Ён таксама згадаў, што цяпер яго калегі здымаюць пра падлетка рэпартаж.
Са слоў карэспандэнта «Расіі», Багдана «з дапамогай маніпуляцый і пагроз спрабавалі выманіць назад на тэрыторыю Украіны».
«Так, падманным шляхам хлопец быў вывезены, мы яго злавілі на мяжы з Беларуссю, — пацвердзіла Львова-Бялова. — У апошні момант паспелі з сілавымі структурамі яго на мяжы спыніць».
Па словах упаўнаважанай, Ярмохіну аказвалі дапамогу некалькі чалавек, якіх яна назвала «агентамі» — у тым ліку яму арганізавалі машыну з кіроўцам і «скідвалі грошай».
З незалежных крыніц вядома, што на момант пачатку поўнамаштабнага ўварвання Багдан Ярмохін быў сіратой і яго законным прадстаўніком з'яўляўся дырэктар Марыупальскага каледжа, дзе юнак вучыўся (гэта нармальная практыка для падлеткаў старэйшага ўзросту).
Пасля пачатку вайны ён апынуўся ў ліку 31 дзіцяці, якіх «знайшлі ў падвалах Марыупаля» (па выразе Марыі Львовай-Бяловай), і быў спачатку перавезены ў Данецк, а пазней у Падмаскоўе, дзе юнака перадалі пад апеку ў прыёмную сям'ю.
Пазней Ярмохін, па словах упаўнаважанай, ездзіў на адну з арганізаваных ёю змен «па інтэграцыі і псіхалагічнай рэабілітацыі» ў якасці старшага куратара і «працаваў з хлопцамі з новых рэгіёнаў».
«Вельмі пазітыўны хлопчык, дапамагаў нашым вайскоўцам, такі проста прарасійскі» — сказала на прэс-канферэнцыі ўпаўнаважаная.
Дзе цяпер знаходзіцца Ярмохін і што з ім адбываецца, невядома. У свае акаўнты ў сацсетках Ярмохін апошні раз заходзіў раніцай 23 сакавіка.
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары
Все эти преступные пособники удержания власти должны понести наказание.
Ни хаток, ни званий, ни пенсий!
Жыве Беларусь!