Padletka, vyviezienaha ŭ Rasiju z Maryupala, spynili na miažy ź Biełaruśsiu. Jon sprabavaŭ viarnucca va Ukrainu
Padletak, vyviezieny z Maryupala ŭ Rasiju i pieradadzieny tam pad apieku, byŭ spynieny rasijskimi siłavikami na miažy Biełarusi pry sprobie viarnucca va Ukrainu. Pra heta raspaviała siońnia na pres-kanfierencyi ŭpaŭnavažanaja pa pravach dziciaci ŭ RF Maryja Lvova-Białova, piša Bi-bi-si.
Junaka zavuć Bahdan Jarmochin, pytańnie pra jaho zadaŭ karespandent dziaržaŭnaha telekanała «Rasija». Jon taksama zhadaŭ, što ciapier jaho kalehi zdymajuć pra padletka repartaž.
Sa słoŭ karespandenta «Rasii», Bahdana «z dapamohaj manipulacyj i pahroz sprabavali vymanić nazad na terytoryju Ukrainy».
«Tak, padmannym šlacham chłopiec byŭ vyviezieny, my jaho złavili na miažy ź Biełaruśsiu, — paćvierdziła Lvova-Białova. — U apošni momant paśpieli ź siłavymi strukturami jaho na miažy spynić».
Pa słovach upaŭnavažanaj, Jarmochinu akazvali dapamohu niekalki čałaviek, jakich jana nazvała «ahientami» — u tym liku jamu arhanizavali mašynu z kiroŭcam i «skidvali hrošaj».
Ź niezaležnych krynic viadoma, što na momant pačatku poŭnamaštabnaha ŭvarvańnia Bahdan Jarmochin byŭ siratoj i jaho zakonnym pradstaŭnikom źjaŭlaŭsia dyrektar Maryupalskaha kaledža, dzie junak vučyŭsia (heta narmalnaja praktyka dla padletkaŭ starejšaha ŭzrostu).
Paśla pačatku vajny jon apynuŭsia ŭ liku 31 dziciaci, jakich «znajšli ŭ padvałach Maryupala» (pa vyrazie Maryi Lvovaj-Białovaj), i byŭ spačatku pieraviezieny ŭ Danieck, a paźniej u Padmaskoŭje, dzie junaka pieradali pad apieku ŭ pryjomnuju siamju.
Paźniej Jarmochin, pa słovach upaŭnavažanaj, jeździŭ na adnu z arhanizavanych joju źmien «pa intehracyi i psichałahičnaj reabilitacyi» ŭ jakaści staršaha kuratara i «pracavaŭ z chłopcami z novych rehijonaŭ».
«Vielmi pazityŭny chłopčyk, dapamahaŭ našym vajskoŭcam, taki prosta prarasijski» — skazała na pres-kanfierencyi ŭpaŭnavažanaja.
Dzie ciapier znachodzicca Jarmochin i što ź im adbyvajecca, nieviadoma. U svaje akaŭnty ŭ sacsietkach Jarmochin apošni raz zachodziŭ ranicaj 23 sakavika.
Ciapier čytajuć
Andrej Švied, architektar represij, pryznačany staršynioj Viarchoŭnaha suda6
Kamientary
Vsie eti priestupnyje posobniki udieržanija vłasti dołžny poniesti nakazanije.
Ni chatok, ni zvanij, ni piensij!
Žyvie Biełaruś!