Прапануем зрабіць традыцыйны велікодны пірог у больш сучасным варыянце. Яго асаблівасць у тым, што цытрус разбаўляе салодкасць дэсерту і робіць смак больш арыгінальным.
Вам спатрэбіцца:
- 100 г масла,
- 120 г белага шакаладу,
- 4 яйкі,
- 130 г дробнага цукру,
- 70 г пшанічнай мукі,
- 1,5 чайнай лыжкі разрыхляльніка,
- 100 г молатага міндалю,
- толькі што надзёртая цэдра 1 апельсіна,
- форма для кекса.
Як гатаваць
Растапіце масла ў каструлі. Дадайце здробнены шакалад і пакіньце на некалькі хвілін. Змяшайце да аднароднасці.
Яйкі ўзбіце з цукрам да пышнай пены. Уліце туды шакаладную сумесь.
Дадайце апельсінавую цэдру і па жаданні — сок. Працягвайце ўзбіваць. Потым усыпце пшанічную муку з разрыхляльнікам і молатым міндалем.
Усё акуратна перамяшайце.
Выліце цеста ў форму для кекса.
Выпякайце пры тэмпературы 170 градусаў на працягу 45 хвілін ці пакуль зубачыстка не будзе выходзіць сухой.
Пірог таксама можна ўпрыгожыць з дапамогай белага шакаладу, сметанковага соусу і міндальных пялёсткаў.
Чытайце яшчэ:
Да велікоднага стала. Робім пасху: 4 рэцэпты, якія абавязкова атрымаюцца
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары
а астатняе ў рэцэпце норм