Людзі не вераць, што за чатыры дні можна паспяваць выконваць усе працоўныя задачы.
Апытанне было праведзена інстытутам Forsa. Яно паказала, што 55 працэнтаў немцаў выступаюць супраць увядзення чатырохдзённага працоўнага тыдня з поўнай аплатай працы. «За» выказалася 42 працэнты.
Увядзенне чатырохдзённага тыдня з поўнай кампенсацыяй заработнай платы прапанавала, у прыватнасці, IG Metall. Прыхільнікі спасылаюцца на досвед іншых еўрапейскіх краін, паводле якога чатырохдзённы тыдзень змяншае нагрузку і павялічвае прадукцыйнасць.
Праціўнікі папярэджваюць, што кампаніям гэта створыць дадатковыя фінансавыя цяжкасці. Другі аргумент заключаецца ў тым, што не заўсёды можна лёгка размеркаваць увесь аб'ём працы на меншую колькасць працоўных гадзін.
Напрыклад, патрабаванне IG Metall аб чатырохдзённым працоўным тыдні з такімі ж заробкамі ў металургічнай прамысловасці сустрэла адмову працадаўцаў. Лідар асацыяцыі працадаўцаў металургічнай прамысловасці заявіў, што такое пагадненне «прывяло б да празмернага росту выдаткаў» і, такім чынам, «да пагаршэння канкурэнтнай пазіцыі».
Паводле апытання, грамадзяне Усходняй Германіі настроеныя асабліва скептычна: 62% з іх не лічаць, што ўвядзенне чатырохдзённага тыдня мае сэнс. У Заходняй Германіі колькасць праціўнікаў складае 54%.
Чатырохдзённы тыдзень асабліва папулярны сярод прыхільнікаў зялёных: 69% з іх выступілі за ўвядзенне і 29% — супраць. Сярод прыхільнікаў СДПГ такую прапанову падтрымалі 43%. Супраць выказваюцца 53%.
Як ні дзіўна, але менш за ўсё гэтая мадэль знайшла падтрымку ў лібералаў: за яе выказаліся 24%, супраць — 76%.
У Германіі чатырохдзённы працоўны тыдзень у розных варыянтах практыкуецца асобнымі працадаўцамі. Найбольш распаўсюджаная практыка падаўжэння працоўнага дня. Каб мець дадатковы выхадны, замест 8 гадзін даводзіцца працаваць 10. У той жа час існуюць працадаўцы, якія ідуць на скарачэнне колькасці працоўных гадзін на тыдзень пры захаванні заробку.
Чытайце яшчэ:
Распавядаем, як зрабіць працоўны дзень лепшым. Паспрабуйце, калі вы працуеце з офіса або дома!
Чатырохдзённы працоўны тыдзень: чаму ўсё больш кампаній ідуць на гэты нестандартны крок
Чатырохдзённы працоўны тыдзень. У кожнай краіне свае асаблівасці
Цяпер чытаюць
Бухі Ігар з Віцебска ўжо не ведае, як адбіцца ад падарункаў ад розных брэндаў. І ўжо звальняецца з завода26
Каментары