Грамадства11

На «прафілактычныя гутаркі» цяпер выклікаюць і ў райвыканкамы

Даўно вядома, што «нядобранадзейных» у палітычным сэнсе беларусаў перыядычна выклікаюць у пракуратуру, Следчы камітэт або РАУС. Падчас так званых «прафілактычных гутарак» людзям нагадваюць пра іх «правіны» і даюць падпісаць паперу з афіцыйным папярэджаннем. Але з нядаўняга часу «на прафілактыку» пачалі выклікаць і ў райвыканкамы, піша «Віцебская вясна».

Будынак Кастрычніцкага райвыканкама ў Віцебску
Будынак Кастрычніцкага райвыканкама ў Віцебску. Фота: vitebsk.gov.by

У Віцебску ў райвыканкамах, паводле праваабаронцаў, стварылі адмысловыя групы з ідэалагічных работнікаў «у межах барацьбы з тэрарызмам і экстрэмізмам».

Адна з такіх груп дзейнічае ў выканкаме Кастрычніцкага раёна, і пра візіт туды на ўмовах ананімнасці праваабаронцам расказаў адзін з асуджаных за падпіскі на так званыя «экстрэмісцкія інтэрнэт-рэсурсы».

Позву на гутарку яму пад подпіс уручыла паштальёнка. У позве былі пазначаныя дата і нумар кабінета, куды трэба было з'явіцца ў прызначаны час. Але давялося пачакаць і пад дзвярыма: у кабінет ужо стаяла невялікая чарга. У яго запрашалі па адным.

За дзвярыма тры жанчыны распытвалі кожнага, што здарылася, і ўшчувалі «за паводзіны». Тлумачылі, што пакаранне панесена заслужана і раілі надалей «не паўтараць памылак». У сярэднім гутарка працягвалася не больш за 15—20 хвілін.

З убачанага вынікала, што ў выканкамах ёсць спісы з пазначэннем месцаў жыхарства нядаўна асуджаных. У чарзе былі і тыя, хто адбыў «суткі», і аштрафаваныя за адміністрацыйныя правапарушэнні.

Паўнамоцтвы падобных ідэалагічных груп абмяжоўваюцца ўнутранымі распаражэннямі выканкама — органа, які іх стварыў. Адказнасць за ігнараванне падобных выклікаў нібыта і не прадугледжана. Тым не менш, віцябляне лічаць за лепшае не абвастраць сітуацыю, бо спісы «нядобранадзейных» відавочна паступаюць з міліцыі, а справаздача аб праведзеных гутарках, магчыма, таксама пойдзе ў гэтую ўстанову.

Каментары1

  • Пмп
    10.05.2023
    Ганьба.

Цяпер чытаюць

Чым займаліся супрацоўнікі Акрэсціна да таго, як узначаліць месца катаванняў беларусаў?

Чым займаліся супрацоўнікі Акрэсціна да таго, як узначаліць месца катаванняў беларусаў?

Усе навіны →
Усе навіны

Ярмак у ЗША: Пасадзіце Расію за стол перамоваў — і Украіна пераможа

У Дзятлаўскім раёне дзевяцікласніца выратавала з вады дзевяцігадовую дзяўчынку

Пасольства Беларусі ў Варшаве стала прымаць дакументы толькі па запісе. Чаканне — каля 10 месяцаў3

Як у акупаваным Данецку выжываюць без вады?12

Беларус 1200 дзён чакаў ДНЖ у Польшчы. Цяпер ён плануе пераехаць у іншае ваяводства

Апеляцыйны суд ЗША прызнаў большасць тарыфаў, уведзеных адміністрацыяй Трампа, незаконнымі3

Кіберпанк па-беларуску: у 2026 годзе выйдзе гульня Replaced, натхнёная «Бегуном па лязе»

У Кітаі адкрываецца самы высокі мост у свеце ФОТЫ4

Турыст у Кеніі напаіў півам слана і справакаваў скандал

больш чытаных навін
больш лайканых навін

Чым займаліся супрацоўнікі Акрэсціна да таго, як узначаліць месца катаванняў беларусаў?

Чым займаліся супрацоўнікі Акрэсціна да таго, як узначаліць месца катаванняў беларусаў?

Галоўнае
Усе навіны →

Заўвага:

 

 

 

 

Закрыць Паведаміць