Кіраўніцтва Кітая запэўніла дзяржсакратара ЗША Энтані Блінкена ў тым, што яно не дапамагала і не будзе дапамагаць Расіі, пастаўляючы ёй лятальную зброю. Амерыканскі чыноўнік адзначыў, што шануе гэтыя гарантыі, і ў Вашынгтона няма ніякіх доказаў, што яны не выконваюцца, перадае CNN.
У той жа час ЗША па-ранейшаму занепакоеныя магчымым супрацоўніцтвам з Масквой прыватных кітайскіх фірмаў, як сказаў Блінкен. Паводле ягоных слоў, гэтыя кампаніі здольныя пастаўляць Расіі тэхналогіі, якія пасля выкарыстоўваюцца ёю для працягу вайны ва Украіне. У сувязі з гэтым Блінкен папрасіў кітайскае кіраўніцтва «быць вельмі пільным у гэтым пытанні».
На сустрэчы з Блінкенам старшыня КНР Сі Цзіньпін заявіў, што Кітай паважае інтарэсы ЗША і не стане «кідаць ім выклік», аднак Пекін разлічвае, што і Вашынгтон будзе прытрымлівацца аналагічнай пазіцыі.
Сі адзначыў, што «ў цяперашні час міжнародная супольнасць у цэлым занепакоеная статус-кво кітайска-амерыканскіх стасункаў», таму краінам варта выкарыстоўваць агульныя інтарэсы і адмовіцца ад практыкі пагроз на карысць «мірнага суіснавання і дружалюбнага супрацоўніцтва». Лідар КНР падкрэсліў, што ад гэтага залежаць будучыня і лёс чалавецтва.
У адказ Блінкен заявіў, што ЗША не імкнуцца да новай халоднай вайны і не маюць намеру мяняць сістэму Кітая. Асобна ён адзначыў, што Вашынгтон не падтрымлівае незалежнасць Тайваня.
Цяпер чытаюць
Місію дэмакратычных сілаў Беларусі ва Украіне ўзначаліла Вольга Зазулінская7
Місію дэмакратычных сілаў Беларусі ва Украіне ўзначаліла Вольга Зазулінская
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары