Суседзі дапамаглі хлопцу сабраць 37 тысяч даляраў, каб ён мог знайсці сяброў
Жыхар Тэхаса Брэнан Рэй выклаў у тыкток відэа, дзе да яго з нечаканай просьбай звярнуўся суседскі хлопчык. Ён сказаў, што яго завуць Шэйдан Уокер і ён шукае сяброў. З гэтага закруцілася цэлая гісторыя.
Калі сусед сказаў, што ўніз па вуліцы жывуць хлапчукі ягонага ўзросту, Шэйдан адказаў, што тыя здзекуюцца з яго і таму ён больш з імі не сябруе. Хлопчык спытаў, ці ёсць дзеці ў самога Брэнана, на што той адказаў, што мае толькі маленькага сына 2-х гадоў.
Кранутыя такім зваротам, суседзі вырашылі дапамагчы Шэйдану знайсці сяброў. На платформе GoFundMe яны абвясцілі збор сродкаў на суму 7 тысяч даляраў, але дзякуючы розгаласу ў тыктоку сабраць атрымалася на 30 тысяч даляраў болей.
Гэтыя грошы пойдуць на гульнявую сістэму, школьнае адзенне і, магчыма, на квіткі ў парк забаў для Шэйдана і яго будучых сяброў. Усе сродкі перададуць непасрэдна сям'і хлопчыка.
Цяпер чытаюць
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі20
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1616
Каментары