«Ліда» і «Ніва» з аграгарадка на мяжы з Польшчай заваявалі пуцёўкі ў вышэйшую лігу
А хто будзе прабівацца праз стыкі?

Сёння завяршыўся чэмпіянат Беларусі па футболе ў першай лізе. Інтрыга, хто выйдзе напрамую, а хто будзе прабівацца праз стыкі жыла да апошніх хвілін.
Згодна з рэгламенам, каманды, што займаюць першае і другое месца, выходзяць напрамую ў вышэйшую лігу. А клуб, што фінішуе трэцім, гуляе з камандай, што зойме 14‑е месца ў вышэйшай лізе.
Сёння «Ліда», «Ніва» з вёскі Доўбізна ў Камянецкім раёне, дзе жыве 370 чалавек, і «Слуцк» вырашалі гэта пытанне.
«Ліда» перамагла «Астравец» — 2:1, «Ніва» перамагла «Дынама Мінск — 2» з лікам 1:0, а «Слуцк» у гасцях прайграў «СКА 1938» 1:2.
Такім чынам: Ніва — 74, Ліда — 72, Слуцк — 70, СКА-1938 — 69.
«Ліда» і «Ніва» ўпершыню прабіліся ў вышэйшую лігу, а «Слуцк» будзе вяртацца праз стыкі.
Цяпер чытаюць
Праектавалі кароўнікі і акумулятарны завод, а цяпер узяліся за барока. З велічнага езуіцкага калегіума ў Пінску збіраюцца збіць увесь тынк — а ён быў распісаны фрэскамі
Каментары