Гэта не кіраўнік якой-небудзь краіны.

Прэзідэнт ЗША Дональд Трамп назваў кіраўніка апарату Белага дома Стывена Мілера самым уплывовым чалавекам у свеце. Пра гэта амерыканскі лідар заявіў на брыфінгу ў Белым доме.
«Цяпер у гэтым пакоі знаходзіцца самы магутны чалавек у свеце — кіраўнік апарату Стывен Мілер. Ён лепшы за гэтых дваіх», — сказаў Трамп, паказаўшы на дзяржаўнага сакратара Марка Рубіа і віцэ-прэзідэнта Джэй Дзі Вэнса, якія стаялі побач.
Затым ён звярнуўся да Мілера: «Не хочаш балатавацца ў прэзідэнты?»
Стывен Мілер — адзін з найбліжэйшых паплечнікаў Дональда Трампа і архітэктар ягонай жорсткай іміграцыйнай палітыкі. Раней ён ужо займаў пасаду намесніка кіраўніка апарату Белага дома і дарадцы па нацыянальнай бяспецы, а таксама адыгрываў ключавую ролю ў арганізацыі масавых дэпартацый нелегальных мігрантаў.
Цяпер чытаюць
Праектавалі кароўнікі і акумулятарны завод, а цяпер узяліся за барока. З велічнага езуіцкага калегіума ў Пінску збіраюцца збіць увесь тынк — а ён быў распісаны фрэскамі
Каментары