У Гомелі пачаўся суд над прадпрымальнікам, які аказваў дапамогу Украіне
У Гомельскім абласным судзе 20 ліпеня пачаўся суд над мясцовым прадпрымальнікам Юрыем Ташкінавым, якога абвінавачваюць у распальванні варожасці і фінансаванні дзейнасці экстрэмісцкага фармавання (ч.1 арт. 130 і арт. 361-2 КК).
Судовае пасяджэнне ў закрытым рэжыме праходзіць пад старшынствам суддзі Яўгена Піскунова, піша «Вясна».
Ташкінаў быў рэзідэнтам Гомельскага тэхнапарка. У 2018 годзе ён распрацаваў мабільную праграму для анлайн-пошуку выканаўцаў розных работ і паслуг.
Пасля пачатку шырокамаштабнага ўварвання расейскіх войскаў ва Украіну гамяльчук у сацсетках выказваўся супраць вайны і публікаваў справаздачы аб гуманітарнай дапамозе жыхарам Чарнігаўшчыны, якая была акупаваная на пачатку вясны 2022 года.
Праўладныя тэлеграм-каналы паведамлялі пра тое, што гамяльчук пераказваў грошы на дапамогу Украіне праз фонд «Байсол».
Цяпер чытаюць
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе13
Каментары