U Homieli pačaŭsia sud nad pradprymalnikam, jaki akazvaŭ dapamohu Ukrainie
U Homielskim abłasnym sudzie 20 lipienia pačaŭsia sud nad miascovym pradprymalnikam Juryjem Taškinavym, jakoha abvinavačvajuć u raspalvańni varožaści i finansavańni dziejnaści ekstremisckaha farmavańnia (č.1 art. 130 i art. 361-2 KK).
Sudovaje pasiadžeńnie ŭ zakrytym režymie prachodzić pad staršynstvam sudździ Jaŭhiena Piskunova, piša «Viasna».
Taškinaŭ byŭ rezidentam Homielskaha technaparka. U 2018 hodzie jon raspracavaŭ mabilnuju prahramu dla anłajn-pošuku vykanaŭcaŭ roznych rabot i pasłuh.
Paśla pačatku šyrokamaštabnaha ŭvarvańnia rasiejskich vojskaŭ va Ukrainu hamialčuk u sacsietkach vykazvaŭsia suprać vajny i publikavaŭ spravazdačy ab humanitarnaj dapamozie žycharam Čarnihaŭščyny, jakaja była akupavanaja na pačatku viasny 2022 hoda.
Praŭładnyja telehram-kanały paviedamlali pra toje, što hamialčuk pierakazvaŭ hrošy na dapamohu Ukrainie praz fond «Bajsoł».
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary