«Сябры, я прыняў цяжкае для сябе рашэнне! На 14-ы дзень пасля вызвалення ўжо знаходжуся ў бяспецы, а значыць, як і раней, змагу быць адкрытым для ўсіх.
Галоўнае — за гэты час я не размяняў сваё сумленне і свабоду. Гатовы слухаць, чуць, гаварыць і разам шукаць адказы на самыя складаныя пытанні», — напісаў былы палітвязень.
Леаніда Судаленку затрымалі 18 студзеня 2021 года па дарозе на працу.
Яго абвінавацілі паводле арт. 342 Крымінальнага кодэкса (групавыя дзеянні, якія груба парушаюць грамадскі парадак) і асудзілі на тры гады пазбаўлення волі ў калоніі ва ўмовах агульнага рэжыму.
Леанід Судаленка кіраваў гомельскім аддзяленнем праваабарончага цэнтра «Вясна» (быў ліквідаваны ўладамі) і дапамагаў пісаць скаргі затрыманым падчас акцый пратэсту, а таксама займаўся абаронаю ў судах рабочых, чые правы парушалі працадаўцы. Фактычна за гэта ён і апынуўся за кратамі.
На волю Леанід Судаленка выйшаў 21 ліпеня, цалкам адбыўшы тэрмін.
Са слязамі на вачах. Як праваабаронца Леанід Судаленка правёў першыя дні на волі
«Калі прачытаў пра тыя дровы, падумаў, што справы зусім дрэнь. А Судаленка сёння выйшаў»
«Хвіліны шчасця». Як сустракалі з калоніі праваабаронцу Леаніда Судаленку ВІДЭА
Леанід Судаленка: Маці думала, што я тры гады быў за мяжой на заробках
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4
Каментары