Азаронак абяцае рэпрэсіі браслаўскаму музею. Віною сталі кніга Салжаніцына і згадка БНР на паштоўках
Прапагандыст Рыгор Азаронак, які нядаўна зладзіў інспекцыю панскаму маёнтку «Сула», вырашыў заняцца экспазіцыямі і іншых музеяў. Пад гарачую руку трапіў краязнаўчы музей Браслава.
Прапагандыст выклаў у сваім тэлеграм-канале фоты рэчаў, якія яму не спадабаліся ў музеі.
Гэта запіс з падзякай у гасцявой кнізе за 2021 год ад галоўнага дарадцы ЗША, кніга Салжаніцына «Архіпелаг ГУЛАГ» («байкі барадатага здрадніка», як назваў гэта Азаронак), сцяг Беларускага асобнага батальёна (ён быў у складзе арміі Літвы, якая ваявала за незалежнасць Літвы ў 1918—1920 гадах), паштоўкі да святкавання 25 Сакавіка — Дня Волі і абвяшчэння незалежнасці БНР.
«Абураныя наведвальнікі дасылаюць абстановачку ў краязнаўчым музеі Браслава», — падпісаў гэтыя фоты прапагандыст.
«Што робяць мясцовыя ідэолагі?» — абураецца Рыгор Азаронак.
І абяцае, што зладзіць музею рэпрэсіі.
Цяпер чытаюць
«Усё так ці інакш будзе вырашацца на полі бою». Чым будзе займацца новая кіраўніца Місіі дэмакратычнай Беларусі ва Украіне?4
Каментары
Паўтарыце працэдуру датычна любога дзяржмузэю.