Затрымалі пастара царквы «Новае жыццё» Вячаслава Ганчарэнку, яго бралі 20 губазікаўцаў
Паводле канала «Хрысціянская візія», у дом пастара евангельскай царквы «Новае жыццё» Вячаслава Ганчарэнкі ўварваліся 20 узброеных супрацоўнікаў ГУБАЗіКа. У доме быў праведзены ператрус, Ганчарэнка і ягоны зяць Ілья Будай былі затрыманыя.
Царква «Новае жыццё» — гэта рэлігійная грамада хрысціян поўнага Евангелля, кіраўніцтва якой і вернікі здаўна падвяргаюцца пераследу з боку ўладаў. У асноўным змаганне ішло за будынак царквы на вуліцы Кавалёва, 72 у Мінску, пераабсталяваны вернікамі з былога кароўніка. У лютым 2021 года царкву выселілі з будынка, а нядаўна яго пачалі разбіраць. Малітоўныя сходы праводзілі побач на паркоўцы.
Сам жа пастар Вячаслаў Ганчарэнка пасля выбараў 2020 года асудзіў гвалт сілавікоў на беларускіх вуліцах і заклікаў улады пакаяцца. А ў верасні 2022 года яго ўжо затрымлівалі і аштрафавалі на 100 базавых велічынь.
Днямі царква атрымала паведамленне, што яе інфармацыйную прадукцыю збіраюцца прызнаць «экстрэмісцкімі матэрыяламі».
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі26
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4242
Каментары