Грамадства11

У Магілёве праз «нерэнтабельнасць» збіраюцца закрыць найстарэйшы дзіцячы садок. Бацькі абураныя

У Магілёве пад пагрозай закрыцця дзіцячы садок № 8, у якім працуюць дзве групы для дзяцей з цяжкімі парушэннямі маўлення і расстройствам аўтыстычнага спектра. Бацькі выхаванцаў выступілі супраць закрыцця ўстановы і запісалі відэазварот да Аляксандра Лукашэнкі, які апублікавалі ў Threads, піша Tochka.by.

Фота: «Яндэкс.Карты»

Па словах бацькоў дзяцей, на сходзе 3 лістапада 2026 года ім не далі ніводнага дакумента з прававым абгрунтаваннем закрыцця. Замест гэтага прагучала толькі тлумачэнне, што садок нерэнтабельны і яго нявыгадна ўтрымліваць. Бацькі сцвярджаюць, што гэта адзіная дашкольная ўстанова ў мікрараёне, да якой можна дайсці пешшу. Найбліжэйшыя садкі знаходзяцца больш чым за 700 метраў, але і там, паводле іх слоў, няма свабодных месцаў.

Бацькі таксама звярнулі ўвагу, што выхаванцы садка ўдзельнічаюць у гарадскіх конкурсах і перамагаюць у іх, у тым ліку ў «Залатым ільвяняці», «Капітошцы», конкурсе «Самая бяспечная ялінка» і конкурсе птушыных дамкоў. На думку бацькоў, установа працягвае жыць і развівацца, таму яны просяць растлумачыць, чаму яе збіраюцца закрыць, нягледзячы на амаль 90‑гадовую гісторыю і наяўнасць выхаванцаў.

Відэазварот за менш чым суткі набраў дзясяткі тысяч праглядаў. У каментарах людзі дзяліліся станоўчымі ўражаннямі пра садок і падтрымлівалі бацькоў. Яны адзначалі добрае стаўленне выхавальніц да дзяцей і бацькоў, невялікую колькасць дзяцей у групах і ўважлівасць загадчыцы.

Адна з жанчын расказала, што пасля пераезду не змагла ўладкаваць дзіця ў гэты садок праз адсутнасць месцаў, але пазней, калі з'явілася магчымасць, аддала туды дачку. Паводле яе слоў, яшчэ два гады таму ўжо ўздымалася пытанне пра закрыццё ўстановы, таму цяперашнія навіны яе асабліва засмуцілі.

Многія каментатары абурыліся тым, што закрыццё тлумачаць нерэнтабельнасцю: на іх думку, дзіцячы садок не павінен прыносіць прыбытак, як прадпрыемства. Бацькі таксама паведамілі, што на сходзе ім сказалі пра невялікую колькасць дзяцей, якія нібыта прыйдуць у садок у верасні 2027 года. Адна з маці паставіла пад сумнеў, як можна ўжо цяпер дакладна ведаць, колькі дзяцей будзе наведваць установу ў наступным навучальным годзе.

Беларусы, якія адгукнуліся на зварот, падтрымалі бацькоў і прапанавалі адкрываць у кожным дзіцячым садку групы для дзяцей з асаблівасцямі развіцця.

Каментары1

  • Ирина
    22.11.2026
    Итак. Уровень чиновников Рентабельность социального объекта. Вы же конченые все от администрации Сипатого до районного исполкома. Больница тоже от рентабельности? Вы конченые.

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка8

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

«Шантажавалі «будучым вашай жонкі і станам яе мамы». Муж асуджанай на 10 гадоў Вольгі Харламавай расказаў пра спробы вярбоўкі з боку КДБ8

BepiColombo даляцеў да Меркурыя — пасля васьмі гадоў падарожжа ў космасе ён выйдзе на арбіту гэтай загадкавай планеты5

У Гомельскім маладзёжным тэатры Караткевіча паказваюць па-руску15

Высветлілася галоўная прычына звальнення Джэнсэна Хуанга з Nvidia4

Скіндзераў насамрэч у вышуку ў Беларусі. Але толькі за дачу хабару4

Кот стаў зоркай спектакля ў Маскве2

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю83

Трамп назваў самага ўплывовага чалавека ў свеце3

Асабістая доктарка Лукашэнкі купіла дом за 200 метраў ад плота яго рэзідэнцыі17

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка8

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць