Свет

Беларускія Кіберпартызаны апублікавалі афіцыйныя прычыны рэзанансных смерцяў расійскіх топ-менеджараў з узламанага Расстата

«Кіберпартызаны» заяўляюць, што атрымалі доступ да базы пасведчанняў аб смерці пасля ўзлому Расстата. У апублікаваных табліцах — звесткі пра 17 памерлых расійскіх бізнэсоўцаў і кіраўнікоў, у тым ліку трох топ-менеджараў «Лукойла». 

«Кіберпартызаны» апублікавалі табліцы з прычынамі смерцяў расійскіх бізнэсоўцаў, кіраўнікоў дзяржаўных кампаній і чыноўнікаў у 2022—2025 гадах. Паводле групы, інфармацыя ўзятая з базы Расстата.

Адзін з прыкладаў — віцэ-прэзідэнт «Лукойла» Віталь Робертус, які памёр 13 сакавіка 2024 года ва ўзросце 53 гадоў. Кампанія паведаміла пра яго раптоўную смерць, але прычыны не раскрыла. СМІ пісалі пра версію самагубства.

У апублікаваным запісе пазначаныя павешанне з нявызначанымі намерамі і механічная асфіксія. 

«Кіберпартызаны» называюць гэта пацвярджэннем паведамленняў пра тое, што Робертуса знайшлі павешаным у кабінеце. 

Нявызначанымі засталіся і абставіны смерці старшыні рады дырэктараў «Лукойла» Равіля Маганава, які 1 верасня 2022 года выпаў з акна Цэнтральнай клінічнай бальніцы ў Маскве. Кампанія тады паведаміла, што ён памёр пасля цяжкай хваробы. Паводле апублікаваных звестак, у базе зафіксаванае падзенне з вышыні.

Нявызначанымі ў апублікаваных запісах названыя абставіны смерцяў кіраўніцы фінансавага забеспячэння Заходняй вайсковай акругі Марыны Янкінай і віцэ-прэзідэнта «Транснефті» Андрэя Бадалава. Абодвух знайшлі пад вокнамі дамоў.

У выпадку Паўла Пчэльнікава, дырэктара па камунікацыях звязанай з РЖД кампаніі «Цифровая логистика», пазначанае агнястрэльнае раненне. СМІ паведамлялі пра магчымае самагубства, але ў запісе такой высновы няма.

Адначасова ў чатырох выпадках самагубства пазначанае непасрэдна. Гэта смерці звязаных з «Газпрамам» кіраўнікоў Аляксандра Цюлякова, Юрыя Воранава і Леаніда Шульмана, а таксама першага намесніка гендырэктара «Якутскэнерга» Ігара Шкурко, якога знайшлі мёртвым у СІЗА.

У іншых выпадках прычынамі названыя захворванні.

Беларускія хакеры пішуць, што гэта толькі пачатак расследаванняў, якія цяпер стануць магчымымі. 

Каментары

Цяпер чытаюць

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка14

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Усе навіны →
Усе навіны

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

Міністр абароны Вялікабрытаніі: Пуцін халоднакроўны забойца4

Павел Белавус расказаў, як за кратамі даведаўся пра Нобелеўскую прэмію Бяляцкага

На фронце знайшлі загінулым 25‑гадовага беларуса з пазыўным «Дэкан»6

Расія рэкорднымі тэмпамі прадае золата, а Польшча за апошнія гады купіла яго найбольш за ўсіх у Еўропе10

Заснавальнік партала Realt.by прадае дом за $3 мільёны9

Як выглядае элітны клубны квартал нулявых у Мінску2

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе28

У Мінску датэрмінова закрылі анімалістычную выставу. Прычына можа быць у асобных мастаках1

больш чытаных навін
больш лайканых навін

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка14

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Галоўнае
Усе навіны →

Заўвага:

 

 

 

 

Закрыць Паведаміць